മെൽബൺ: ഓസ്ട്രേലിയൻ ക്രിക്കറ്റ് ക്യാപ്റ്റൻ മിച്ചല് മാര്ഷ് കണങ്കാൽ പരിക്ക് മൂലം പാകിസ്ഥാനെതിരായ ഏകദിന പരമ്പരയിൽ നിന്ന് ഒഴിവാക്കപ്പെട്ടു. ഇന്ത്യൻ പ്രീമിയർ ലീഗിൽ കളിക്കുന്നതിനിടെ പരിക്കേറ്റതിനെ തുടർന്ന് മാർഷ് ചികിത്സയ്ക്കായി ഓസ്ട്രേലിയയിലേക്ക് മടങ്ങിയിരിക്കുകയാണ്. നിലവിൽ അദ്ദേഹം പെർത്തിൽ വിദഗ്ധ പരിശോധനകളും ചികിത്സയും തുടരുന്നു.
മാർഷിന്റെ അഭാവത്തിൽ വിക്കറ്റ് കീപ്പർ ബാറ്റർ ജോഷ് ഇംഗ്ലിസ് ടീമിന്റെ ക്യാപ്റ്റൻ സ്ഥാനം ഏറ്റെടുക്കും. ഇത് അദ്ദേഹത്തിന്റെ രണ്ടാം ക്യാപ്റ്റൻസിയാണ്, മുൻപ് പാകിസ്ഥാനെതിരേയും ടീമിനെ നയിച്ചിട്ടുണ്ട്.
പരമ്പരയിൽ ഓസ്ട്രേലിയയുടെ സ്ഥിരം ക്യാപ്റ്റനായ പാറ്റ് കമ്മിൻസും പങ്കെടുക്കില്ല. ഇന്ത്യൻ പ്രീമിയർ ലീഗ് പ്ലേ ഓഫ് ബാധ്യതകളാണ് അദ്ദേഹത്തിന്റെ അഭാവത്തിന് കാരണം.
കൂടാതെ ട്രാവിസ് ഹെഡിനും ഐപിഎൽ മത്സരങ്ങൾ കാരണം ടീമിൽ ഇടം ലഭിച്ചിട്ടില്ല. ഇതോടെ താരനിരയിൽ വലിയ മാറ്റങ്ങളോടെയാണ് ഓസ്ട്രേലിയ പരമ്പരയ്ക്ക് ഇറങ്ങുന്നത്.
മാർഷിന്റെ ആരോഗ്യനില വിലയിരുത്തിയ ശേഷമേ അദ്ദേഹത്തിന്റെ തിരിച്ചുവരവ് സംബന്ധിച്ച അന്തിമ തീരുമാനം എടുക്കുകയുള്ളു. ബംഗ്ലാദേശിനെതിരായ പരമ്പരയിൽ അദ്ദേഹം കളിക്കുമോ എന്നതും പിന്നീട് തീരുമാനിക്കുമെന്ന് ഓസ്ട്രേലിയൻ ക്രിക്കറ്റ് ബോർഡ് അറിയിച്ചു,.
