സാനോ: ചരിത്ര പോരാട്ടത്തില്‍ ഇന്ത്യയെ അടിമുടി വിറപ്പിച്ച് കീഴടങ്ങി ജപ്പാന്‍. മഴ ഏറെ സമയം അപഹരിച്ചപ്പോള്‍ ചരിത്രത്തിലെ ആദ്യ ഇന്ത്യ- ജപ്പാന്‍ ക്രിക്കറ്റ് പോരാട്ടം 5 ഓവര്‍ മാത്രമാണ് അരങ്ങേറിയത്. ടോസ് നേടി ഇന്ത്യ ബാറ്റിങെടുക്കുകയായിരുന്നു. 5 ഓവറില്‍ ഇന്ത്യയെ 32 റണ്‍സ് മാത്രമെടുക്കാനേ ജപ്പാന്‍ അനുവദിച്ചുള്ളു. ഇന്ത്യന്‍ നിരയില്‍ ഒരാള്‍ പോലും സിക്‌സും അടിച്ചില്ല. രണ്ട് ഫോറുകള്‍ മാത്രമാണ് ഇന്ത്യ നേടിയത്. അതിലൊന്ന് സഞ്ജുവും മറ്റൊന്ന് ക്യാപ്റ്റൻ അയ്യരും. 16 റണ്‍സെടുത്ത അയ്യരാണ് ടോപ് സ്‌കോറര്‍. സഞ്ജു സാംസണ്‍ 9 റണ്‍സെടുത്തു. അഭിഷേക് ശര്‍മ ഗോള്‍ഡന്‍ ഡക്കായതും ശ്രദ്ധേയമായി.
മറുപടി ബാറ്റിങില്‍ ഒരുവേള ജപ്പാന്‍ അട്ടിമറി വിജയം നേടുമെന്നു വരെ തോന്നിച്ചു. എങ്കിലും പോരാട്ടം 3 വിക്കറ്റ് നഷ്ടത്തില്‍ 30 റണ്‍സില്‍ അവസാനിച്ചു. ഇന്ത്യക്ക് 2 വിക്കറ്റിന്റെ ജയം. ഇന്ത്യയെ കാത്തത് പരിചയസമ്പന്നതയും മനക്കരുത്തുമാണ്. ഇന്ത്യക്കായി വാഷിങ്ടന്‍ സുന്ദര്‍ 2 വിക്കറ്റെടുത്തു.
