ചെന്നൈ: ടിവികെ അധ്യക്ഷന് വിജയ്യുടെടെ റാലിക്കിടെ തിക്കിലും തിരക്കിലും പെട്ട് ഒട്ടേറെ പേര്ക്കാണ് ജീവന് നഷ്ടമായത്. സംഭവത്തില് അനുശോചനം അറിയിച്ച് കമല്ഹാസനും രജനികാന്തും രംഗത്തെത്തി. ജീവന് നഷ്ടപ്പെട്ടവരുടെ കുടുംബങ്ങളോട് അഗാധമായ അനുശോചനം രേഖപ്പെടുത്തിയ ഇരുവരും കരൂരില് നിന്നും വരുന്ന ഓരോ വര്ത്തകളും ഹൃദയം നുറുക്കുന്നുവെന്നാണ് കുറിച്ചത്.
‘എന്റെ ഹൃദയം നുറുങ്ങുന്നു. കരൂരില് നിന്ന് വരുന്ന വാര്ത്ത ഞെട്ടലും സങ്കടവും നല്കുന്നതാണ്. ജനത്തിരക്കില് അകപ്പെട്ട് ജീവന് നഷ്ടപ്പെട്ട നിരപരാധികളോട് എന്റെ അഗാധമായ അനുശോചനം രേഖപ്പെടുത്താന് വാക്കുകളില്ല. അപകടത്തില് രക്ഷപ്പെട്ടവര്ക്ക് ശരിയായ ചികിത്സയും ദുരിതബാധിതര്ക്ക് ഉചിതമായ ആശ്വാസവും ലഭിക്കുന്നുണ്ടെന്ന് ഉറപ്പുവരുത്താന് ഞാന് തമിഴ്നാട് സര്ക്കാരിനോട് അഭ്യര്ത്ഥിക്കുകയാണ്”, എന്നായിരുന്നു കമല്ഹാസന്റെ വാക്കുകള്.
”കരൂരില് നടന്ന സംഭവത്തില് ഒട്ടേറെ നിരപരാധികളുടെ ജീവന് പൊലിഞ്ഞെന്ന വാര്ത്ത ഹൃദയത്തെ നുറുക്കുകയും അത്യന്തം ദുഃഖം ഉളവാക്കുകയും ചെയ്യുന്നു. ജീവന് നഷ്ടപ്പെട്ടവരുടെ കുടുംബങ്ങള്ക്ക് എന്റെ അഗാധമായ അനുശോചനം. പരുക്കേറ്റവര് വേഗം തിരിച്ചുവരട്ടെ ‘, എന്നായിരുന്നു രജനികാന്തിന്റെ വാക്കുകള്.
