മലയാള സിനിമയുടെ ചരിത്രത്തിലെ എക്കാലത്തെയും ക്ലാസിക് ചിത്രങ്ങളിലൊന്നായ ‘കിരീടം’ വീണ്ടും ബിഗ് സ്‌ക്രീനിലേക്ക് എത്തുന്നു. 1989-ൽ പുറത്തിറങ്ങി പ്രേക്ഷകരെ കണ്ണീരിലാഴ്ത്തിയ ചിത്രമാണ് 37 വർഷങ്ങൾക്ക് ശേഷം വീണ്ടും റീ-റിലീസിനൊരുങ്ങുന്നത്.

സിബി മലയിൽ സംവിധാനം ചെയ്ത ചിത്രത്തിൽ സേതുമാധവൻ എന്ന കഥാപാത്രമായി മോഹൻലാൽ നടത്തിയ പ്രകടനം ഇന്നും മലയാളികൾ ഹൃദയത്തിൽ സൂക്ഷിക്കുന്ന ഒന്നാണ്. തിലകൻ അവതരിപ്പിച്ച അച്യുതൻ നായരുടെയും മോഹൻലാലിന്റെ സേതുമാധവന്റെയും വൈകാരിക മുഹൂർത്തങ്ങൾ ഇന്നും സിനിമാപ്രേമികളുടെ മനസ്സിൽ മായാതെ നിൽക്കുന്നുണ്ട്
.
‘കിരീടം’ വീണ്ടും തിയേറ്ററുകളിലെത്തുന്നുവെന്ന വാർത്ത പുറത്തുവന്നതോടെ സോഷ്യൽ മീഡിയയിൽ ആവേശം നിറഞ്ഞിരിക്കുകയാണ്. “സേതുമാധവനെ വീണ്ടും ബിഗ് സ്‌ക്രീനിൽ കാണാൻ കാത്തിരിക്കുകയാണ്” എന്ന കുറിപ്പുകളുമായാണ് ആരാധകർ രംഗത്തെത്തിയിട്ടുള്ളത്
ഒരു തലമുറയെ കരയിപ്പിച്ച സേതുമാധവൻ… 37 വർഷങ്ങൾക്ക് ശേഷം വീണ്ടും പ്രേക്ഷകരുടെ ഹൃദയം കീഴടക്കാൻ എത്തുകയാണ്.