കൊച്ചി: കൊച്ചിയിൽ കഞ്ചാവും ബ്രൗൺ ഷുഗറുമായി രണ്ട് പേർ പിടിയിൽ. പശ്ചിമ ബംഗാൾ സ്വദേശികളായ റഹീൻ ഷാ, സോഹേൽ റാണ എന്നിവരെയാണ് ഡാൻസാഫ് സംഘം പിടികൂടിയത്. കളമശ്ശേരിയിലെ വാടകവീട്ടിൽ നടത്തിയ പരിശോധനയിലാണ് ഒരു കിലോ കഞ്ചാവും എട്ട് ഗ്രാം ബ്രൗൺ ഷുഗറും പിടിച്ചെടുത്തത്. അന്യസംസ്ഥാന തൊഴിലാളികൾക്കിടയിൽ വിതരണം ചെയ്യുന്നതിനായി എത്തിച്ചതാണ് ലഹരിവസ്തുക്കളെന്നാണ് പൊലീസിന്റെ പ്രാഥമിക നിഗമനം. സംഭവത്തിൽ കൂടുതൽ അന്വേഷണം തുടരുകയാണ്.