തിരുവനന്തപുരം: കേന്ദ്ര സർക്കാരിന്റെ പി.എം. ശ്രീ പദ്ധതിയെക്കുറിച്ച് സർക്കാരിനെതിരെ വിമർശനവുമായി കെഎസ്യു. വിഷയത്തിൽ അടിയന്തരമായി രാഷ്ട്രീയ തീരുമാനം കൈക്കൊള്ളണമെന്ന് ഫേസ് ബുക്ക് കുറിപ്പിൽ കാസർകോഡ് ജില്ലാ പ്രസിഡൻ്റ് അഡ്വ ജവാദ് പൂത്തൂർ പ്രതികരിച്ചു.
കേരളത്തിന്റെ വിദ്യാഭ്യാസ സ്വയംഭരണത്തെയും ഫെഡറൽ മൂല്യങ്ങളെയും ബാധിക്കുന്ന വിഷയങ്ങളിൽ സാങ്കേതിക വിശദീകരണങ്ങൾക്കപ്പുറം വ്യക്തമായ രാഷ്ട്രീയ നിലപാട് സ്വീകരിക്കണമെന്ന് അദ്ദേഹം പറഞ്ഞു. മുൻ എൽഡിഎഫ് സർക്കാർ വിദ്യാഭ്യാസ മേഖലയെ കേന്ദ്ര നയങ്ങൾക്ക് മുന്നിൽ വിട്ടുകൊടുത്തുവെന്ന വിമർശനവും കെഎസ്യു ഉയർത്തി.
വിദ്യാഭ്യാസ വിഷയങ്ങളിൽ കെഎസ്യുവിന്റെ നിലപാടിൽ മാറ്റമില്ലെന്നും ശക്തമായ പ്രതിരോധം തുടരുമെന്നും അദ്ദേഹം വ്യക്തമാക്കി.
