മലപ്പുറം: ചേളാരിയിലെ കല്യാണവീട്ടിൽ തിളച്ച പായസയിൽ വീണ് മധ്യവയസ്സ്കൻ മരിച്ചു. ചേളാരി പത്തുര് സ്വദേശി അയ്യപ്പൻ ആണ് മരിച്ചത്. കഴിഞ്ഞ ഞായറാഴ്ച്ച ബന്ധുവീട്ടിൽ പാചക സഹായത്തിനിടെയാണ് വലിയ ചെമ്പ് പാത്രത്തിൽ സൂക്ഷിച്ച തിളച്ച പായസത്തിൽ വീണത്.
പൊള്ളലേറ്റ അയ്യപ്പനെ ഉടൻ തന്നെ കോഴിക്കോട് മെഡിക്കല് കോളേജിൽ പ്രവേശിപ്പിച്ചു. തീവ്രപരിചരണ വിഭാഗത്തില് ചികിത്സ തുടരുന്നതിനിടെ ഇന്നലെയാണ് മരണം സംഭവിച്ചത്.
അയ്യപ്പന് ദീർഘകാലമായി വിവിധ സ്കൂളുകളുടെ സ്വകാര്യ ബസിൽ ഡ്രൈവർ ആയി പ്രവർത്തിച്ചിരുന്നു. കഴിഞ്ഞ കാലത്ത് ചേളാരിയിൽ ഓട്ടോ ഡ്രൈവർ ആയും ജോലി ചെയ്തിട്ടുണ്ട്. അവസാനമായി ചേളാരി വിഎയുപി സ്കൂൾ ബസിലെ ഡ്രൈവറായി ജോലി ചെയ്യുകയായിരുന്നു.
