കൊച്ചി: എംഎസ്സി എല്സ 3 കപ്പല് അപകടത്തിന് പിന്നാലെ തീരങ്ങളില് തുടര്ച്ചയായി പ്ലാസ്റ്റിക് അസംസ്കൃത വസ്തുക്കള് അടിയുന്നത് ആശങ്കയെന്ന് ഡയറക്ടര് ജനറല് ഓഫ് ഷിപ്പിങ്. വെളി, പെരുമതുറ തീരങ്ങളിലാണ് കൂടുതല് അവശിഷ്ടങ്ങള് അടിഞ്ഞുകൂടിയിരിക്കുന്നത്.
നാലു ദിവസത്തനുള്ളില് 790 പ്ലാസ്റ്റിക് പെല്ലെറ്റുകളാണ് നീക്കം ചെയ്തത്. ഇത് 14 മെട്രിക്ക് ടണ്ണോളം വരും. ഇതുവരെ നീക്കം ചെയ്തത് 59.6 മെട്രിക് ടണ് അവശിഷ്ടങ്ങളാണെന്നും ഡിജി ഷിപ്പിങ് അറിയിച്ചു.
അതേസമയം കപ്പലിലെ എണ്ണ നീക്കം ചെയ്യുന്നതില് പ്രതിസന്ധി തുടരുകയാണ്. എണ്ണ നീക്കം ചെയ്യാന് ഇതുവരെ തുടങ്ങിയിട്ടില്ല. കഴിഞ്ഞ മെയ് 25 നു മുങ്ങിയ കപ്പലിന്റെ ബങ്കറില് ഉള്ള 367 ടണ് സള്ഫര് കലര്ന്ന എണ്ണയും 84 ടണ് മറൈന് ഡീസലും ജൂലൈ 3 നു മുന്പ് നീക്കം ചെയ്യണം എന്നാണ് ഡയറക്ടര് ജനറല് ഓഫ് ഷിപ്പിങ്, കപ്പല് ഉടമസ്ഥരായ മെഡിറ്ററേനിയന് ഷിപ്പിങ് കമ്പനിക്കു അന്ത്യ ശാസനം നല്കിയിരുന്നത്. ഇതിനായി ആദ്യം നിയോഗിച്ചിരുന്ന കമ്പനിയുമായുള്ള കരാര് അവസാനിപ്പിച്ചിരുന്നു. ഓഗസ്റ്റ് വരെ സമയം വേണമെന്ന് എംഎസ്സി അപേക്ഷിച്ചിട്ടുണ്ട്. നന്ദ് സാരഥി കപ്പലിനു പകരം മറ്റൊരു കപ്പല് നിരീക്ഷണത്തിനായി ചുമതലയേറ്റിട്ടുണ്ട്.
