തിരുവനന്തപുരം: കുപ്രസിദ്ധ മോഷ്ടാവ് ബാറ്ററി നവാസ് പൊലീസ് കസ്റ്റഡിയില്. നേമം സ്വദേശിയാണ്.
കഴിഞ്ഞ രണ്ടാഴ്ച്ചയ്ക്കിടെ തിരുവനന്തപുരം പാറശ്ശാലേ കേന്ദ്രീകരിച്ച് നടത്തിയ വ്യത്യസ്ഥ മോഷണ കേസുകളിലാണ് ഇയാള് പിടിയിലായിരിക്കുന്നത്. തിരുവനന്തപുരം നഗരത്തില് മാത്രം 71 ഓളം കേസുകളില് പ്രതിയാണ് ഇയാള്.
പാറശ്ശാല പോലീസാണ് ഇയാളെ അതിസാഹസികമായി പിടികൂടിയത്. തിരുവനന്തപുരത്തെ ആഢംബര ഫ്ലാറ്റില് നിന്നാണ് ഇയാളെ പിടികൂടിയത്.തിരുവനന്തപുരം നെയ്യാറ്റിന്കര ചെങ്കല്ഭാഗത്ത് രണ്ട് വീടുകളില് നിന്നായി 30 പവനോളം സ്വര്ണ്ണവും മുപ്പത് ലക്ഷം രൂപയുമാണ് ഇയള് കഴിഞ്ഞ ദിവസം മോഷ്ടിച്ചത്.
പാറശ്ശാല പോലീസ് സിഐ ജയശങ്കറിന്റെ നേതൃത്ത്വത്തില് എസ്ഐ വിഷ്ണു, എസ്ഐ ബാലു, സിപിഒ ഷാജന് , സിപിഒ സാജന് എന്നിവര് ചേര്ന്നാണ് അതിസാഹസികമായി പടികൂടിയത്.
സംസ്ഥാനത്തെ വിവിധ സ്റ്റേഷനുകളിലായി നിരവധി കേസുകളില് പ്രതിയാണ് ഇയാള്. വീടുകള് കുത്തിതുറന്ന് മോഷണം നടത്തി അത് കൊണ്ട് ആഢംബര ജീവിതം നയിക്കുന്നയാണാണ് ബാറ്ററി നവാസ് എന്നാണ് ഇയാളെ പിടികൂടിയ പൊലീസ് ഉദ്യോഗസ്ഥര് പറയുന്നത്.
