പാലക്കാട്: നിയമസഭാ തിരഞ്ഞെടുപ്പ് പ്രഖ്യാപനത്തിന് മുൻപേ എൻ.ഡി.എ.യുടെ ചുമരെഴുത്ത് പ്രചാരണം ജില്ലയിൽ ആരംഭിച്ചു. കേന്ദ്ര സഹമന്ത്രി സുരേഷ് ഗോപി ഷൊർണൂർ, ഒറ്റപ്പാലം, പാലക്കാട്, മലമ്പുഴ മണ്ഡലങ്ങളിലെ ചുമരെഴുത്ത് ഉദ്ഘാടനം ചെയ്ത് പ്രവർത്തകർക്ക് ആവേശം നൽകി.
പാലക്കാട് വിക്ടോറിയ കോളേജ് റോഡിന് സമീപം താമര ചിഹ്നത്തിന് നിറം നൽകിയാണ് ഉദ്ഘാടനം. നിയുക്ത എൻ.ഡി.എ. സ്ഥാനാർഥി ശോഭാ സുരേന്ദ്രൻ ഉൾപ്പെടെ ബിജെപി നേതാക്കൾ പങ്കെടുത്തു.
മലമ്പുഴയിൽ കൊടുമ്പ് പഞ്ചായത്തിലെ കാടാങ്കോട്ടും, ഷൊർണൂരിൽ പൊതുവാൾ ജങ്ഷൻ സമീപവും, ഒറ്റപ്പാലത്ത് പാലക്കാട്–കുളപ്പുള്ളി പാതയോരത്തുമാണ് മന്ത്രി ചുമരെഴുത്ത് ഉദ്ഘാടനം ചെയ്തത്. വിവിധ മണ്ഡലങ്ങളിലെ ബിജെപി നേതാക്കളും പ്രവർത്തകരും ചടങ്ങുകളിൽ പങ്കെടുത്തു.
