മലപ്പുറം: വളാഞ്ചേരിയിലെ നിപ ബാധിതയുടെ സമ്പര്ക്കപട്ടികയില് ഉള്പ്പെട്ട എട്ടു പേരുടെ പരിശോധനാ ഫലം കൂടി നെഗറ്റീവ് ആയി. ഇതോടെ ആകെ നെഗറ്റീവ് ആയവരുടെ എണ്ണം 25 ആയി. അതെസമയം പുതുതായി 37 പേരെ സമ്പര്ക്ക പട്ടികയില് ഉള്പ്പെടുതിയിട്ടുണ്ട്. ഇതോടെ സമ്പര്ക്ക പട്ടികയിലുള്ളവരുടെ എണ്ണം 94 ആയി.എന്നാല് നിപ സ്ഥിരീകരിച്ച യുവതിയുടെ നില ഗുതുരമായി തുടരുന്നു.
സമ്പര്ക്കപ്പട്ടികയില് ഉള്പ്പെട്ടവരില് 53 പേര് ഹൈറിസ്ക് വിഭാഗത്തില് ഉള്പ്പെട്ടവരാണ്. രോഗ ലക്ഷണങ്ങളോടെ ആറു പേരാണ് ഇപ്പോള് ചികിത്സയിലുള്ളത്. ഇവരില് രണ്ടു പേര് തീവ്ര പരിചരണ വിഭാഗത്തില് ചികിത്സയിലാണ്.
വളാഞ്ചേരി സ്വദേശിനിയായ 42-കാരിക്കായിരുന്നു നിപ വൈറസ് സ്ഥിരീകരിച്ചത്. നിപയുടെ സോഴ്സ് കണ്ടെത്തുന്നതിന്റെ ഭാഗമായി സാമ്പിളുകള് ഭോപ്പാലിലെ ലാബിലേക്ക് അയക്കും. ഉറവിടം കണ്ടെത്താന് ആരോഗ്യ വകുപ്പ് ജോയിന്റ് ഔട്ട് ബ്രേക്ക് ഇന്വെസ്റ്റിഗേഷന് ആരംഭിച്ചിരുന്നു.
