ന്യൂഡല്ഹി: കേന്ദ്ര സര്ക്കാര് കൊണ്ടുവരുന്ന ബില്ലിന് പിന്നില് വനിതാ സംവരണമല്ല ഉദ്ദേശമെന്ന് എന് കെ പ്രേമചന്ദ്രന് എംപി. മണ്ഡല പുനര്നിര്ണയമാണ് കേന്ദ്രത്തിന്റെ ലക്ഷ്യം. മണ്ഡല പുനര്നിര്ണയം കേരളത്തെ പോലുള്ള സംസ്ഥാനങ്ങളെ ബാധിക്കുമെന്നും പ്രേമചന്ദ്രന് എംപി പറഞ്ഞു.
‘ഉത്തരേന്ത്യന് സംസ്ഥാനങ്ങളില് 2011ലെ സെന്സസിന്റെ അടിസ്ഥാനത്തില്, ജനസംഖ്യ കൂടിയ ഇടങ്ങളില് കൂടുതല് സീറ്റ് കിട്ടുകയും കേന്ദ്ര സര്ക്കാരിന്റെ കുടുംബാസൂത്രണ പദ്ധതി കൃത്യമായി നടപ്പാക്കിയ കേരളം പോലുള്ള സംസ്ഥാനങ്ങളില് ചെറിയ വര്ധനവുമാണ് വരാന് പോകുന്നത്. ദക്ഷിണേന്ത്യന് സംസ്ഥാനങ്ങളില് 60 സീറ്റുകളുടെ വര്ധനവുണ്ടാകുമ്പോള് 200 ഓളം സീറ്റുകളുടെ വര്ധനവുകള് ഉത്തരേന്ത്യന് സംസ്ഥാനങ്ങളില് മാത്രമുണ്ടാകുന്നു, ഇത് അപകടകരമാണെന്നും അദ്ദേഹം വ്യക്തമാക്കി.
