കീവ്: യുക്രൈയ്ന് നഗരമായ സുമേയില് റഷ്യയുടെ മിസൈല് ആക്രമണം. 21 പേര് കൊല്ലപ്പെട്ടു. 7 കുട്ടികള് അടക്കം 83 പേര്ക്ക് പരുക്ക്. ഓശാന ദിനത്തില് പള്ളിയില് പോകുന്നതിനിടെയാണ് ആക്രമണം. തിരക്കേറിയ നഗരത്തിലുണ്ടായിരുന്ന ആക്രമണത്തെ യുക്രൈന് പ്രസിഡന്റ് വ്ലാദിമര് സെലെന്സ്കി അപലപിച്ചു.
ഈ വര്ഷം യുക്രൈയ്നിലെ ഏറ്റവും മാരകമായ ആക്രമണങ്ങളിലൊന്നാണിതെന്ന് വ്ലാദിമര് സെലെന്സ്കി പറഞ്ഞു. നഗരമധ്യത്തില് രണ്ട് മിസൈലുകളാണ് പതിച്ചത്. ഓശാന ഞായര് ആഘോഷിക്കാന് ആളുകള് ഒത്തുകൂടിയിരിക്കെ രാവിലെ 10:15 നാണ് മിസൈല് ആക്രമണം ഉണ്ടായത്.
