കൊല്ലം: സംസ്ഥാനത്ത് സ്കൂളുകളിലെ പഠനഭാരം കുറയ്ക്കാനൊരുങ്ങി വിദ്യാഭ്യാസ വകുപ്പ്. പത്താം ക്ലാസില് സിലബസ് കൂടുതലാണെന്ന് കുട്ടികളുടെ പരാതിയുണ്ടെന്നും അടുത്ത വര്ഷം സിലബസ് 25 ശതമാനം കുറയ്ക്കുമെന്നും വിദ്യാഭ്യാസമന്ത്രി വി ശിവന്കുട്ടി.
പത്താം ക്ലാസ് സോഷ്യല് സയന്സ് സിലബസ് കുറയ്ക്കണമെന്ന് ആവശ്യപ്പെട്ട് മൂന്ന് കുട്ടികള് വിദ്യാഭ്യാസമന്ത്രിക്ക് നിവേദനം നല്കിയിരുന്നു.
കൊല്ലം തേവലക്കരയില് വൈദ്യുതാഘാതമേറ്റ് മരിച്ച വിദ്യാര്ത്ഥി മിഥുന്റെ കുടുംബത്തിന് കേരള സ്റ്റേറ്റ് ഭാരത് സൗകൗട്ട്സ് & ഗൈഡ്സ് നിര്മിച്ച് നല്കിയ വീടിന്റെ താക്കോല്ദാനം നിര്വഹിക്കുന്ന ചടങ്ങില് സംസാരിക്കുകയായിരുന്നു അദ്ദേഹം. അതിനിടെയാണ് സിലബസ് സംബന്ധിച്ച തീരുമാനം മാധ്യമങ്ങളെ അറിയിച്ചത്.
