പാലക്കാട് ; രാഹുല്‍ മാങ്കൂട്ടത്തിലിന്‍റെ സ്ഥാനാര്‍ത്ഥിത്വത്തില്‍ ഇടഞ്ഞ പി. സരിൻ ഇടതുപക്ഷത്തേയ്ക്ക്. കോണ്‍ഗ്രസിലെ സരിന്‍റെ പ്രാഥമിക അംഗത്വം റദ്ദാക്കി കോണ്‍ഗ്രസ്. താൻ ഇനി ഇടതുപക്ഷത്തിന് ഒപ്പമായിരിക്കുമെന്ന് മുൻ കോൺഗ്രസ് നേതാവ് പി.സരിനും അറിയിച്ചു. എൽ.ഡി.എഫ് ആവശ്യപ്പെട്ടാൽ തെരഞ്ഞെടുപ്പിൽ മത്സരിക്കുമെന്നും സരിന്‍ പറഞ്ഞു. സരിൻ വാർത്തസമ്മേളനം നടത്തുന്നതിനിടെ തന്നെ പാർട്ടിയിൽ നിന്നും അദ്ദേഹത്തെ പുറത്താക്കിയുള്ള ഉത്തരവും വന്നിരുന്നു. പാർട്ടിയുടെ പ്രാഥമിക അംഗത്വത്തിൽ നിന്നും സരിനെ പുറത്താക്കുകയാണെന്ന് കെ.പി.സി.സിയുടെ വാർത്താകുറിപ്പിൽ അറിയ്ക്കുകയായിരുന്നു. വി.ഡി സതീശൻ കോൺഗ്രസിനെ ഹൈജാക്ക് ചെയ്തെന്നും പാർട്ടിയെ […]

പാലക്കാട് : പ്രതിപക്ഷ നേതാവ് വി.ഡി. സതീശനെതിരെ രൂക്ഷ വിമർശനവുമായി കെ.പി.സി.സി ഡിജിറ്റൽ മീഡിയ കൺവീനർ പി. സരിൻ. പാർട്ടിയിൽ ഉടമ – കീഴാള ബന്ധമാണുള്ളത്. സതീശന് പരസ്പര ബഹുമാനമില്ല. പ്രതിപക്ഷ നേതാവായത് അട്ടിമറിയിലൂടെയാണ്. വി.ഡി സതീശൻ കോൺഗ്രസിനെ ഹൈജാക്ക് ചെയ്തെന്നും പാർട്ടിയെ ദുർബലപ്പെടുത്തിയെന്നും സരിൻറെ ആരോപണം. ഇങ്ങനെ പോയാൽ 2026ൽ പാർട്ടി പച്ചപിടിക്കില്ലെന്നും സരിൻ വാർത്ത സമ്മേളനത്തിൽ പറഞ്ഞു. തിരുവായ്ക്ക് എതിര്‍വാ ഇല്ലാത്ത രാജാക്കന്മാരെപ്പോലെയാണ് വി.ഡി സതീശന്‍ ഓരോ നീക്കങ്ങളും നടത്തുന്നതെന്നും പി.സരിന്‍ പറഞ്ഞു.