തിരുവനന്തപുരം: തിരുവനന്തപുരം നഗരസഭ കൗൺസിലർ സുഗതന്റെ സഹോദരൻ സന്ദീപിനെ പൊലീസ് കസ്റ്റഡിയിലെടുത്തു. ബിജെപി പ്രവർത്തകന്റെ വീട്ടിൽ അതിക്രമിച്ച് കയറിയെന്ന പരാതിയിലാണ് നടപടി. ആർഎസ്എസ് പ്രവർത്തകൻ മണ്ണന്തല രഞ്ജിത്ത് കൊലക്കേസിലെ സാക്ഷിയുടെ വീട്ടിലാണ് സന്ദീപ് അതിക്രമിച്ച് കയറിയതെന്നാണ് പരാതി. സംഭവത്തിൽ വഞ്ചിയൂർ പൊലീസ് കേസെടുത്തു. സംഭവത്തിൽ പ്രതിഷേധിച്ച് ബിജെപി പ്രവർത്തകർ പ്രതിഷേധത്തിന് ഒരുങ്ങുന്നതിനിടെയാണ് സന്ദീപിനെ പൊലീസ് പിടികൂടിയത്. അതേസമയം, സന്ദീപ് മദ്യലഹരിയിലായിരുന്നെന്നും മുൻപരിചയമുള്ള ഒരാളുടെ വീട്ടിലാണ് അതിക്രമിച്ച് കയറിയതെന്നുമാണ് പൊലീസിന്റെ വിശദീകരണം. സംഭവത്തിൽ കൂടുതൽ അന്വേഷണം തുടരുകയാണ്.