തിരുവനന്തപുരം: തിരുവനന്തപുരത്ത് കെഎസ്ആർടിസി ബസ് കയറി ഇറങ്ങി യുവാവിന് ഗുരുതര പരിക്ക്. നന്ദിയോട്–ആലുംമൂട് സ്വദേശി നിഖിലിനാണ് അപകടത്തിൽ പരിക്കേറ്റത്. പാലോട്–ഇളവട്ടത്തിനും കുറുപുഴയ്ക്കും ഇടയിലാണ് സംഭവം. ബൈക്കിൽ യാത്ര ചെയ്യുകയായിരുന്നു നിഖിൽ. മുന്നിലുണ്ടായിരുന്ന പൊലീസ് ജീപ്പ് പെട്ടെന്ന് ബ്രേക്ക് ചവിട്ടിയപ്പോൾ, ഇടിക്കാതിരിക്കാനായി ശ്രമിക്കുന്നതിനിടെ നിഖിലിന്റെ ബൈക്ക് എതിർദിശയിൽ വന്ന ബസിനടിയിലേക്ക് മറിയുകയായിരുന്നു.ഇതോടെ ബസിന്റെ മുൻചക്രം നിഖിലിന്റെ കാലിലൂടെ കയറി. ഗുരുതരമായി പരിക്കേറ്റ നിഖിലിനെ വിദഗ്ധ ചികിത്സയ്ക്കായി സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ പൊലീസ് അന്വേഷണം ആരംഭിച്ചു.

തിരുവനന്തപുരം: കഴക്കൂട്ടം മേനംകുളത്ത് വ്യവസായ വകുപ്പിന്റെ നിയന്ത്രണത്തിലുള്ള ഭൂമിയിൽ വൻ തീപിടുത്തം. ഗെയിംസ് വില്ലേജിന്റെ ഭാഗമായി മുമ്പ് ഉപയോഗിച്ചിരുന്നുവെങ്കിലും പിന്നീട് ഉപേക്ഷിക്കപ്പെട്ട സ്ഥലത്തെ അടിക്കാടിനും അവശിഷ്ടങ്ങൾക്കുമാണ് തീപിടിച്ചത്. ഗെയിംസ് വില്ലേജുമായി ബന്ധപ്പെട്ട താത്കാലിക കെട്ടിടങ്ങളുടെ അവശിഷ്ടങ്ങളും മാലിന്യങ്ങളും കിടന്നിരുന്ന പ്രദേശത്താണ് ആദ്യം തീ ആളിപ്പടർന്നത്. തീ മനഃപൂർവം വെച്ചതാകാമെന്ന പ്രാഥമിക നിഗമനത്തിലാണ് അധികൃതർ. കഴക്കൂട്ടം, ചാക്ക ഫയർഫോഴ്‌സ് സ്റ്റേഷനുകളിൽ നിന്നുള്ള യൂണിറ്റുകൾ സ്ഥലത്തെത്തി തീ അണയ്ക്കാനുള്ള ശ്രമങ്ങൾ തുടരുകയാണ്. തീ സമീപ പ്രദേശങ്ങളിലേക്ക് പടരാതിരിക്കാനുള്ള മുൻകരുതലുകളാണ് പ്രധാനമായും […]