Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

Tag: Kerala

ചേരാനല്ലൂർ വാഹനാപകടം: പൊലീസിന്റെ വീഴ്ചയുണ്ടോയെന്ന് കർശനമായി പരിശോധിക്കുമെന്ന് എഡിജിപി വിജയൻ

കൊച്ചി: ചേരാനല്ലൂർ വാഹനാപകടക്കേസിൽ പൊലീസിന്റെ ഭാഗത്തുനിന്ന് വീഴ്ചയുണ്ടായിട്ടുണ്ടോയെന്ന് കർശനമായി പരിശോധിക്കുമെന്ന് എഡിജിപി പി. വിജയൻ. നിയമനടപടികളുടെ കാര്യത്തിൽ ജഡ്ജിയെന്നോ പൊലീസെന്നോ വ്യത്യാസമുണ്ടാകില്ലെന്നും തെറ്റ് ചെയ്തിട്ടുണ്ടെങ്കിൽ എല്ലാവർക്കുമെതിരെ നിയമപരമായ നടപടികളുണ്ടാകുമെന്നും അദ്ദേഹം വ്യക്തമാക്കി. അപകടവുമായി ബന്ധപ്പെട്ട് എന്തെല്ലാം വീഴ്ചകളാണ് സംഭവിച്ചതെന്നും ആരൊക്കെയാണ് ഉത്തരവാദികളെന്നും പരിശോധിക്കാനാണ് എത്തിയതെന്ന് എഡിജിപി പറഞ്ഞു. അപകടത്തിൽ മരിച്ച ജയബാലകൃഷ്ണന്റെ കുടുംബാംഗങ്ങളെയും കേസുമായി ബന്ധപ്പെട്ട എല്ലാവരെയും കാണുമെന്നും അദ്ദേഹം വ്യക്തമാക്കി. സംഭവത്തിൽ പ്രാഥമിക ഘട്ടത്തിൽ പൊലീസിന്റെ ഭാഗത്തുനിന്ന് വീഴ്ചയുണ്ടായതായി ശ്രദ്ധയിൽപ്പെട്ടതിനെത്തുടർന്നാണ് ആഭ്യന്തരമന്ത്രിയുടെ നിർദേശപ്രകാരം എഡിജിപി പി. […]
Read more

അട്ടപ്പാടിയിൽ നവജാതശിശു മരിച്ചു; ജനനസമയത്തുണ്ടായ ഹൃദയസംബന്ധമായ പ്രശ്നങ്ങളാണ് മരണകാരണമെന്നാണ് വിവരം

പാലക്കാട്: അട്ടപ്പാടിയിൽ നവജാതശിശു മരിച്ചു. ധോണിഗുണ്ട് സ്വദേശികളായ രാജി–സുനീഷ് ദമ്പതിമാരുടെ കുഞ്ഞാണ് മരിച്ചത്. ജനനസമയത്തുണ്ടായ ഹൃദയസംബന്ധമായ പ്രശ്നങ്ങളാണ് മരണകാരണമെന്നാണ് വിവരം. കോഴിക്കോട് മെഡിക്കൽ കോളേജ് ആശുപത്രിയിലായിരുന്നു രാജിയുടെ പ്രസവം. പുലർച്ചെ 3.30ഓടെയാണ് കുഞ്ഞ് ജനിച്ചത്. കുറഞ്ഞ ശരീരഭാരത്തോടെ ജനിച്ച കുഞ്ഞിന്റെ ഹൃദയമിടിപ്പ് പിന്നീട് നിലയ്ക്കുകയായിരുന്നു. തുടർന്ന് പുലർച്ചെ 4.15ഓടെ മരണം സ്ഥിരീകരിച്ചു.
Read more

ചിറയിൻകീഴിൽ മരണവീട്ടിൽ അക്രമം; വിനോദിന്റെ മകനുൾപ്പെടെ നിരവധി പേർക്ക് പരിക്ക്

തിരുവനന്തപുരം: ചിറയിൻകീഴിൽ മരണവീട്ടിൽ അക്രമം; നിരവധി പേർക്ക് പരിക്ക്. മരിച്ചയാളുടെ ഭാര്യയുടെ ബന്ധുക്കളാണ് അക്രമം നടത്തിയതെന്നാണ് പരാതി. കഴിഞ്ഞ 23-ാം തീയതിയാണ് ചിറയിൻകീഴ് സ്വദേശി വിനോദ് വിഷം ഉള്ളിൽച്ചെന്ന് മരിച്ചത്. മരണത്തിന് പിന്നാലെ വിനോദിന്റെ ഭാര്യയുടെ ബന്ധുവും നഗരൂർ സ്വദേശിയുമായ കുട്ടൻ വീട്ടിലെത്തി മുറിയിൽ സൂക്ഷിച്ചിരുന്ന പണവും മൊബൈൽ ഫോണും കത്തും എടുത്തുകൊണ്ടുപോയെന്നാണ് പരാതിയിൽ പറയുന്നത്. സാധനങ്ങൾ തിരികെ ആവശ്യപ്പെട്ടെങ്കിലും കുട്ടൻ നൽകാൻ തയ്യാറായില്ലെന്നാണ് വിനോദിന്റെ വീട്ടുകാരുടെ ആരോപണം. ഇതിന് പിന്നാലെ കഴിഞ്ഞ ദിവസം വൈകുന്നേരം കുട്ടനും […]
Read more

ശബരിമല സ്വർണക്കൊള്ള, നെയ്യ് ക്രമക്കേട് ആരോപണങ്ങൾക്കിടെ ഒ.ജി. ബിജുവിന് വീണ്ടും പദവി

തിരുവനന്തപുരം: ശബരിമല സ്വർണക്കൊള്ളക്കേസിലും ആടിയശിഷ്ടം നെയ്യ് ക്രമക്കേടിലും ആരോപണവിധേയനായ മുൻ എക്സിക്യൂട്ടീവ് ഓഫീസർക്ക് വീണ്ടും പദവി നൽകി ദേവസ്വം ബോർഡ്. സ്പെഷ്യൽ ഓഫീസറായ ഒ.ജി. ബിജുവിനെയാണ് ശബരിമല തീർഥാടനകാലത്ത് പ്രത്യേക കോഓർഡിനേറ്ററായി നിയമിക്കാൻ തീരുമാനിച്ചത്. ഒ.ജി. ബിജുവിന്റെ നിയമനത്തിൽ ബോർഡിനുള്ളിൽ ഭിന്നാഭിപ്രായം ഉയർന്നെങ്കിലും പരിചയസമ്പന്നനെന്ന പരിഗണനയിലാണ് പുതിയ ചുമതല നൽകിയതെന്നാണ് വിശദീകരണം. നേരത്തെ ബിജുവിനെ ശബരിമല എക്സിക്യൂട്ടീവ് ഓഫീസറായി തുടരാൻ അനുവദിക്കാനുള്ള തീരുമാനം ഹൈക്കോടതി ഇടപെട്ട് തടഞ്ഞിരുന്നു. എക്സിക്യൂട്ടീവ് ഓഫീസറുടെ ജോലിഭാരം കുറയ്ക്കുന്നതിനും സഹായിക്കുന്നതിനുമാണ് പുതിയ നിയമനമെന്നാണ് […]
Read more

ചേരാനല്ലൂർ വാഹനാപകടക്കേസ്: ജഡ്ജി പൊലീസ് സ്റ്റേഷനിലെത്തിയത് വീഴ്ചയെന്ന് ഹൈക്കോടതി റിപ്പോർട്ട്

കൊച്ചി: ചേരാനല്ലൂർ വാഹനാപകടക്കേസിൽ ബെൻസ് കാറിന്റെ ആർ.സി ഉടമയായ ജില്ലാ ജഡ്ജി പൊലീസ് സ്റ്റേഷനിലെത്തിയത് വീഴ്ചയെന്ന് റിപ്പോർട്ട്. ഔദ്യോഗിക ആവശ്യത്തിനല്ല ജഡ്ജി പൊലീസ് സ്റ്റേഷനിൽ പോയതെന്നും സ്റ്റേഷനിലെത്തുന്നതിന് മുമ്പ് പ്രിൻസിപ്പൽ സെഷൻസ് ജഡ്ജിയുടെ അനുമതി തേടിയില്ലെന്നും റിപ്പോർട്ടിൽ ചൂണ്ടിക്കാട്ടുന്നു. ജില്ലയുടെ ഭരണച്ചുമതലയുള്ള ഹൈക്കോടതി ജഡ്ജിയാണ് ഹൈക്കോടതി രജിസ്ട്രിക്ക് റിപ്പോർട്ട് നൽകിയത്. ചീഫ് ജസ്റ്റിസ് അധ്യക്ഷനായ ഭരണനിർവഹണ സമിതി റിപ്പോർട്ട് പരിശോധിക്കും. അതേസമയം, അപകടമുണ്ടാക്കിയ ബെൻസിന്റെ ആർ.സി സസ്പെൻഡ് ചെയ്യുന്നതിനൊപ്പം ജഡ്ജിക്ക് മോട്ടോർ വാഹന വകുപ്പിന്റെ കാരണം കാണിക്കൽ […]
Read more

ഉറപ്പുകൾ ഉത്തരവാക്കി സമരപ്പന്തലിലെത്തിക്കണം; ഇനി ചർച്ചയ്ക്കില്ലെന്ന് വളർമതി

തിരുവനന്തപുരം: സെക്രട്ടറിയേറ്റിന് മുന്നിലെ സമരം ശക്തമാക്കി എൽ.പി.എസ്.ടി ഉദ്യോഗാർഥികൾ. നിരാഹാര സമരത്തിന് പുറമെ ദിവസവും വ്യത്യസ്ത പ്രതിഷേധ പരിപാടികൾ സംഘടിപ്പിക്കാനാണ് സമരസമിതിയുടെ തീരുമാനം. സമരസമിതി നേതാവ് വളർമതി തല മുണ്ഡനം ചെയ്ത് നിരാഹാര സമരം ആരംഭിച്ചതിന് പിന്നാലെ രാപകൽ സമരവും തുടങ്ങി. ഇനി ചർച്ചയ്ക്കില്ലെന്നും നേരത്തെ നൽകിയ ഉറപ്പുകൾ ഉത്തരവുകളാക്കി സമരപ്പന്തലിലെത്തിക്കണമെന്നും വളർമതി പറഞ്ഞു. വിദ്യാർഥികളുടെ എണ്ണത്തിന് അനുസരിച്ചാണ് അധ്യാപകരുടെ ജോലി നിർണയിക്കപ്പെടുന്നതെന്നും ചില ക്ലാസുകളിൽ കുട്ടികളുടെ എണ്ണം കുറവാണെങ്കിലും മറ്റു ചില ക്ലാസുകളിൽ കുട്ടികൾ തിങ്ങിനിറഞ്ഞ […]
Read more

ആലുവ മാർത്താണ്ഡവർമ പഴയ പാലം 10 ദിവസത്തേക്ക് അടയ്ക്കും; ഒക്ടോബർ 28 മുതൽ ഗതാഗത നിയന്ത്രണം

കൊച്ചി: ആലുവ മാർത്താണ്ഡവർമ പഴയ പാലം അറ്റകുറ്റപ്പണികൾക്കായി പത്ത് ദിവസത്തേക്ക് അടയ്ക്കുന്നു. ഒക്ടോബർ 28 മുതൽ നവംബർ 6 വരെയാണ് നിയന്ത്രണം ഏർപ്പെടുത്തിയിരിക്കുന്നത്. ഇതിന്റെ ഭാഗമായി ആലുവയിലും പരിസരപ്രദേശങ്ങളിലും ഗതാഗത ക്രമീകരണങ്ങൾ ഏർപ്പെടുത്തി. തൃശൂർ ഭാഗത്തുനിന്ന് ആലുവ, എറണാകുളം ഭാഗങ്ങളിലേക്ക് വരുന്ന ഗ്യാസ്, പെട്രോളിയം ടാങ്കറുകൾ, കണ്ടെയ്നർ ലോറികൾ, ടോറസ് വാഹനങ്ങൾ ഉൾപ്പെടെയുള്ള വലിയ ഭാരവാഹനങ്ങൾ അങ്കമാലിയിൽനിന്ന് കാലടി–പെരുമ്പാവൂർ റോഡ് വഴി തിരിച്ചുപോകണം. എറണാകുളം ഭാഗത്തുനിന്ന് വരുന്ന വലിയ ഭാരവാഹനങ്ങൾ കളമശ്ശേരിയിൽനിന്ന് തിരിഞ്ഞ് കണ്ടെയ്നർ റോഡ് വഴി […]
Read more

കുണ്ടറയിൽ നിർമാണം നടക്കുന്ന വീടുകൾ കേന്ദ്രീകരിച്ച് മോഷണം; സഹോദരന്മാർ അറസ്റ്റിൽ

കൊല്ലം: നിർമാണത്തിലിരിക്കുന്ന വീടുകളിൽ നിന്ന് വൈദ്യുത ഉപകരണങ്ങളും വയറുകളും മോഷ്ടിച്ച സഹോദരന്മാർ പിടിയിൽ. ആലുംമൂട് എല്ലുകുഴി വയൽ സ്വദേശികളായ അനീഷർ ഷാ (28), അക്ബർ ഷാ (30) എന്നിവരെയാണ് കുണ്ടറ പൊലീസ് അറസ്റ്റ് ചെയ്തത്. ഈ മാസം പത്തിനാണ് കരിക്കോട് മേക്കോണിൽ ഹാരിഷ് കമാലുദ്ദീന്റെ നിർമാണത്തിലിരിക്കുന്ന വീട്ടിൽ അവസാനമായി മോഷണം നടന്നത്. 5.5 ലക്ഷം രൂപയുടെ വയറിങ് സാമഗ്രികളാണ് ഇവിടെനിന്ന് മോഷ്ടിച്ചത്. വയറുകൾ, സ്വിച്ചുകൾ, പൈപ്പുകളിൽ സ്ഥാപിച്ചിരുന്ന കേബിളുകൾ എന്നിവയ്ക്കൊപ്പം നിർമാണത്തിനുപയോഗിക്കുന്ന കട്ടറും രണ്ട് ഡ്രില്ലറുകളും പ്രതികൾ […]
Read more

പതിനാലുകാരിയെ MDMA നൽകി പീഡിപ്പിച്ച കേസ്; പരാതി പിൻവലിക്കാൻ ഭീഷണിപ്പെടുത്തിയ സ്ത്രീക്കെതിരെ കേസെടുത്തു

തൃശ്ശൂർ: പതിനാലുകാരിയെ എം.ഡി.എം.എ നൽകി ലൈംഗികമായി പീഡിപ്പിച്ച കേസിൽ അതിജീവിതയെ ഭീഷണിപ്പെടുത്തിയ സ്ത്രീക്കെതിരെ പുതുക്കാട് പൊലീസ് കേസെടുത്തു. ഞെള്ളൂർ താഴത്ത് വീട്ടിൽ സംഗീതയ്ക്കെതിരെയാണ് നടപടി. പെൺകുട്ടിയുടെ വീട്ടിലെത്തിയ സംഗീത, പീഡനക്കേസിലെ പ്രതിയായ പ്രായപൂർത്തിയാകാത്ത ആൺകുട്ടിക്കെതിരായ പരാതി പിൻവലിക്കണമെന്ന് ആവശ്യപ്പെടുകയും ഭീഷണിപ്പെടുത്തുകയും ചെയ്തെന്നാണ് പരാതി. കഴിഞ്ഞ ദിവസമാണ് പതിനാലുകാരിക്ക് എം.ഡി.എം.എ നൽകി ലൈംഗികമായി പീഡിപ്പിച്ച കേസിൽ കല്ലൂർ സ്വദേശി അമൽകൃഷ്ണ (20), പ്രായപൂർത്തിയാകാത്ത ആൺകുട്ടി എന്നിവരെ പൊലീസ് അറസ്റ്റ് ചെയ്തത്. ഇതേ പെൺകുട്ടിയെ കുഴൽപ്പണക്കടത്തിന് ഉപയോഗിച്ചെന്ന കേസിൽ അമൽകൃഷ്ണയുടെ […]
Read more

CMRL–എക്സാലോജിക് കേസ്: സിംഗിൾ ബെഞ്ച് വിധി സ്റ്റേ ചെയ്ത് ഹൈക്കോടതി; വിജിലൻസ് അന്വേഷണം നാലാഴ്ചത്തേക്ക് തടഞ്ഞു

കൊച്ചി: സിഎംആർഎൽ–എക്സാലോജിക് സാമ്പത്തിക ഇടപാട് കേസിൽ സിംഗിൾ ബെഞ്ച് വിധി സ്റ്റേ ചെയ്ത് ഹൈക്കോടതി ഡിവിഷൻ ബെഞ്ച്. മുഖ്യമന്ത്രി പിണറായി വിജയൻ നൽകിയ അപ്പീൽ ഫയലിൽ സ്വീകരിച്ച കോടതി, വിജിലൻസിനും എൻഫോഴ്‌സ്‌മെന്റ് ഡയറക്ടറേറ്റിനും നോട്ടീസ് അയച്ചു. സിംഗിൾ ബെഞ്ച് വിധിയുടെ അടിസ്ഥാനത്തിൽ തുടർനടപടികൾ പാടില്ലെന്നും ഹൈക്കോടതി നിർദേശിച്ചു. സിംഗിൾ ബെഞ്ച് വിധിയിൽ നിയമപ്രശ്നങ്ങളുണ്ടെന്ന് നിരീക്ഷിച്ച ഡിവിഷൻ ബെഞ്ച്, ഈ വിഷയങ്ങളിൽ പിന്നീട് വിശദമായ വാദം കേൾക്കുമെന്നും വ്യക്തമാക്കി. പിണറായി വിജയന്റെ അപ്പീൽ ഉൾപ്പെടെയുള്ള ഹർജികളിൽ നാല് മണിക്കൂറിലധികം […]
Read more

Recent News

Advertisement
WhiteswanTV Footer – WordPress Mobile Fix