തിരുവനന്തപുരം: സെക്രട്ടേറിയറ്റിന് മുന്നിലെ എൽപിഎസ്ടി ഉദ്യോഗാർഥികളുടെ സമരത്തിൽ നാടകീയ സംഭവങ്ങൾ. പൊലീസ് ബലപ്രയോഗത്തിലൂടെ ആശുപത്രിയിലേക്ക് മാറ്റിയ വളർമതി വീണ്ടും സമരപ്പന്തലിലെത്തി നിരാഹാര സമരം പുനരാരംഭിച്ചു. തനിക്ക് ആരോഗ്യപ്രശ്നങ്ങളൊന്നുമില്ലാതിരുന്നിട്ടും ഐസിയുവിൽ പ്രവേശിപ്പിച്ചെന്നും സമരവേദിയിൽ സംസാരിക്കുന്നതിൽ നിന്ന് തടയുകയായിരുന്നു ലക്ഷ്യമെന്നും വളർമതി ആരോപിച്ചു. സമരം അടിച്ചമർത്താമെന്ന് ആരും കരുതേണ്ടെന്നും നിരാഹാര സമരം തുടരുമെന്നും അവർ വ്യക്തമാക്കി. ആരോഗ്യനില മോശമായ ഒരാളെയാണോ പൊലീസ് ഇത്രയും ബലപ്രയോഗത്തോടെ കൊണ്ടുപോയതെന്ന് ചോദിച്ച വളർമതി, തന്റെ ആരോഗ്യത്തെക്കുറിച്ച് ചിന്തിക്കേണ്ടത് സർക്കാരാണെന്നും പ്രതികരിച്ചു. ഇന്ന് മുതൽ രണ്ടുപേർ […]