പാലക്കാട്: മൂന്നംഗ കുടുംബം എട്ട് ദിവസത്തിന് ശേഷം സുരക്ഷിതരായി കണ്ടെത്തി. വാണിയംകുളത്ത് നിന്ന് കാണാതായ ബാബു ഭാസ്‌കറിനെയും കുടുംബത്തെയുമാണ് ഷൊർണൂർ പൊലീസ് കർണാടകയിലെ ചാമരാജ് നഗറിൽ നിന്ന് കണ്ടെത്തിയത്. വാടകവീടെടുത്ത് താമസിച്ചുവരികയായിരുന്നു ഇവരെന്ന് പൊലീസ് അറിയിച്ചു. ഇന്ന് ഉച്ചയ്ക്ക് ഒരു മണിയോടെയാണ് അന്വേഷണസംഘം കുടുംബത്തെ കണ്ടെത്തിയത്. തിരച്ചിലിൽ ബാബു ഭാസ്‌കറിന്റെ മൂത്തമകൻ വൈശാഖും പൊലീസിനൊപ്പം പങ്കുചേർന്നിരുന്നു. ശർക്കര വ്യാപാരവുമായി ബന്ധപ്പെട്ട് കുടുംബത്തിന് മൈസൂരുവിൽ ബന്ധങ്ങളുണ്ടെന്ന് കണ്ടെത്തിയതിനെ തുടർന്നാണ് അന്വേഷണം കർണാടകയിലേക്ക് വ്യാപിപ്പിച്ചത്. നാടുകാണി ചുരത്തിൽ ഉപേക്ഷിക്കപ്പെട്ട നിലയിൽ […]