കൊച്ചി: അങ്കമാലിയിൽ ട്രാൻസ്ഫോമറിനുള്ളിൽ കയറി ഒളിച്ച മലമ്പാമ്പിനെ വനംവകുപ്പ് പിടികൂടി. ഇന്നലെ അർധരാത്രിയോടെ കരയാംപറമ്പ് മാഞ്ഞാലി തോടിന് സമീപത്താണ് സംഭവം. തോട്ടിലൂടെ വന്ന മലമ്പാമ്പ് ട്രാൻസ്ഫോമറിനുള്ളിൽ കയറുന്നത് കണ്ട നാട്ടുകാർ വനംവകുപ്പിനെ അറിയിച്ചു. തുടർന്ന് കെഎസ്ഇബി ഉദ്യോഗസ്ഥർ എത്തി വൈദ്യുതി ബന്ധം വിച്ഛേദിച്ചു. മണിക്കൂറുകൾ നീണ്ട ശ്രമത്തിനൊടുവിലാണ് പാമ്പിനെ പുറത്തെടുത്തത്. ആദ്യം ട്രാൻസ്ഫോമറിനുള്ളിൽ നിന്ന് പാമ്പിനെ താഴെയിറക്കി, പിന്നീട് ചാക്കിലാക്കി പിടികൂടുകയായിരുന്നു. വനമേഖലയിൽ നിന്ന് തോടുവഴി എത്തിയതാകാമെന്നാണ് വനംവകുപ്പ് സംശയിക്കുന്നത്. അതേസമയം, പെരുമ്പാവൂരിൽ മണ്ണൂർ കുഴൂരിൽ നിന്ന് […]