കാബൂൾ: ഇസ്‌ലാമിക വസ്ത്രധാരണ നിയമങ്ങൾ കർശനമാക്കിയതിനെതിരെ അഫ്ഗാനിസ്ഥാനിലെ ഹെരാത്ത് നഗരത്തിൽ സ്ത്രീകൾ നടത്തിയ പ്രതിഷേധ പ്രകടനത്തിനിടെ പൊലീസിന്റെ വെടിവെപ്പിൽ രണ്ട് പേർ കൊല്ലപ്പെട്ടു. നിരവധി പേർക്ക് പരിക്കേറ്റതായും ചിലരെ അറസ്റ്റ് ചെയ്തതായും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. ഹിജാബ് ശരിയായ രീതിയിൽ ധരിച്ചില്ലെന്നാരോപിച്ച് സ്ത്രീകളെ തടഞ്ഞുനിർത്തി പരിശോധിക്കുകയും അറസ്റ്റ് ചെയ്യുകയും ചെയ്യുന്ന താലിബാൻ നടപടികൾക്കെതിരെയായിരുന്നു പ്രതിഷേധം. പ്രതിഷേധക്കാരെ പിരിച്ചുവിടാൻ പൊലീസ് വടികളും ചാട്ടവാറുകളും തോക്കുകളും ഉപയോഗിച്ചതായി ദൃക്‌സാക്ഷികൾ പറയുന്നു. വെടിവെപ്പിൽ രണ്ട് പേർ മരിച്ചതായി ആരോഗ്യപ്രവർത്തകർ അറിയിച്ചെങ്കിലും […]