കോഴിക്കോട്: താമരശേരി ഷഹബാസ് വധക്കേസില് പ്രതികളായ കുട്ടികളുടെ ജാമ്യാപേക്ഷയില് ഈ മാസം എട്ടിന് വിധി പറയും. ആറു പേരുടെ ജാമ്യാപേക്ഷ ജില്ലാ സെഷന്സ് കോടതിയാണ് പരിഗണിക്കുന്നത്.
അതേസമയം പ്രതികള്ക്ക് ജാമ്യം നല്കരുതെന്നും പ്രായപൂര്ത്തിയാകാത്ത കാര്യം കേസില് പരിഗണിക്കരുതെന്നും പ്രോസിക്യുഷനും ഷഹബാസിന്റെ കുടുംബവും ആവശ്യപ്പെട്ടു.
കൃത്യമായി ആസൂത്രണം ചെയ്ത് നടത്തിയ കൊലപാതകമാണ് നടന്നതെന്നും. വിദ്യാര്ഥികളുടെ സമൂഹ മാധ്യമത്തിലെ ചാറ്റുകള് ഇതിനു തെളിവാണ്. ജാമ്യം കിട്ടി പുറത്തിറങ്ങിയാല് കുട്ടികള് സാക്ഷികളെ സ്വാധീനിക്കുന്നത് ഉള്പ്പെടെയുള്ള കാര്യങ്ങളിലേക്ക് നീങ്ങുമെന്നും കോടതിയെ അറിയിച്ചു.
പ്രയാപൂര്ത്തിയാകാത്തതിനാല് ജാമ്യം അനുവദിക്കണമെന്ന് പ്രതികളായ കുട്ടികളുടെ രക്ഷിതാക്കള് അഭ്യര്ഥിച്ചു. 34 ദിവസമായി ജുവനൈല് ഹോമില് കഴിയുകയാണ്. ഇത് അവരുടെ മാനസികാവസ്ഥയെ സാരമായി ബാധിക്കുമെന്നും രക്ഷിതാക്കള് പറഞ്ഞു. അതേസമയം, കുട്ടികളുടെ രക്ഷിതാക്കളെക്കൂടി പ്രതി ചേര്ക്കണമെന്ന് ഷഹബാസിന്റെ പിതാവ് അബ്ദുറഹ്മാന് ആവശ്യപ്പെട്ടു.
