വാഷിങ്ടണ്: പശ്ചിമേഷ്യന് വിഷയത്തില് വത്തിക്കാനോടും കൊമ്പുകോര്ത്ത് അമേരിക്ക. അസ്വാരസ്യങ്ങള് നയതന്ത്ര പ്രതിസന്ധിയിലേയ്ക്ക് നീങ്ങുന്നതായി റിപ്പോര്ട്ട്. കത്തോലിക്കാ സഭ അമേരിക്കയുടെ താല്പ്പര്യങ്ങള്ക്കൊപ്പം നില്ക്കണമെന്ന് വത്തിക്കാന് പ്രതിനിധിയെ പെന്റഗണിലേയ്ക്ക് വിളിപ്പിച്ച ഉദ്യോഗസ്ഥര് മുന്നറിയിപ്പ് നല്കിയതായാണ് പുറത്തു വരുന്ന റിപ്പോര്ട്ടുകള്.
സമാധാനത്തിന് ഊന്നല് നല്കിക്കൊണ്ടുള്ള മാര്പാപ്പയുടെ പ്രസംഗം അമേരിക്കന് ഭരണകൂടത്തോടുള്ള വെല്ലുവിളിയാണെന്നാണ് പെന്റഗണിന്റെ വിലയിരുത്തല്. ശക്തിയില് അധിഷ്ഠിതമായ നയതന്ത്രത്തിന് പകരം ചര്ച്ചകളിലൂടെയുള്ള പരിഹാരമാണ് ആവശ്യമെന്ന മാര്പാപ്പയുടെ നിലപാട് ട്രംപിനെ ഉന്നം വെച്ചിട്ടുള്ളതാണെന്നാണ് അമേരിക്ക പറയുന്നത്.
അമേരിക്കയില് ജനിച്ച ആദ്യത്തെ മാര്പാപ്പയായ ലിയോ പതിനാലാമന്, ട്രംപ് ഭരണകൂടത്തിന്റെ കുടിയേറ്റ നയങ്ങളെയും വിദേശ നയങ്ങളെയും നേരത്തെ തന്നെ വിമര്ശിച്ചിരുന്നു.
പെന്റഗണിന്റെ ഭീഷണിയോട് ശക്തമായ ഭാഷയിലാണ് വത്തിക്കാന് പ്രതികരിച്ചത്. ഇതിന്റെ ഭാഗമായി മാര്പാപ്പ അമേരിക്കന് യാത്ര റദ്ദാക്കിയേക്കുമെന്നും റിപ്പോര്ട്ടുണ്ട്. അമേരിക്കയുടെ 250-ാം വാര്ഷിക ആഘോഷങ്ങളില് പങ്കെടുക്കാന് വൈസ് പ്രസിഡന്റ് ജെ ഡി വാന്സ് നല്കിയ ക്ഷണം അദ്ദേഹം നിരസിച്ചെന്നാണ് സൂചന.
