തൃശൂര്‍: ഇത്തവണ തൃശ്ശൂര്‍ പൂരം നടക്കും, വെടിക്കെട്ട് ഒഴിവാക്കി. ഇന്ന് ചേര്‍ന്ന മന്ത്രിമാരും കളക്ടറും ദേവസ്വം പ്രതിനിധികളും ഉള്‍പ്പെട്ട ഉന്നതതല യോഗത്തിലാണ് തീരുമാനം. വെടിക്കെട്ട് മാത്രമാണ് ഒഴിവാക്കിയിരിക്കുന്നത്. കുടമാറ്റവും ഇലഞ്ഞിത്തറ മേളവും മഠത്തില്‍ വരവും ഉള്‍പ്പെടെയുള്ള മറ്റ് ചടങ്ങുകളെല്ലാം നടക്കും. അമിതമായ ആഘോഷങ്ങള്‍ ഒഴിവാക്കും. മുണ്ടത്തിക്കോട് വെടിപ്പുര ദുരന്തത്തിന്റെ പശ്ചാത്തലത്തിലാണ് പൂരം നടത്തിപ്പുമായി ബന്ധപ്പെട്ട് ആശങ്കകള്‍ ഉയര്‍ന്നത്. എന്നാല്‍ മാസങ്ങളോളം നീണ്ട തയ്യാറെടുപ്പുകള്‍ നടന്നതിനാല്‍ പൂര്‍ണമായും ഒഴിവാക്കുന്നതിനോട് ദേവസ്വങ്ങളും മുഖംതിരിച്ചിരുന്നു.