കാലിഫോര്ണിയ: അമേരിക്കയിലെ കാലിഫോര്ണിയയില് വാഹനാപകടത്തില് അപകടത്തില് രണ്ട് ഇന്ത്യന് വനിതകള് കൊല്ലപ്പെട്ടു.
തെലങ്കാന സ്വദേശികളും ഉറ്റസുഹൃത്തുക്കളുമായ 24 വയസുള്ള പി മേഘന റാണി, കെ ഭാവന എന്നിവരാണ് മരിച്ചത്.
ഉന്നത പഠനത്തിന് ശേഷം ഇന്ത്യയില് നിന്ന് ജോലി തേടി അമേരിക്കയില് എത്തിയതായിരുന്നു ഇരുവരും.
തെലങ്കാനയിലെ മഹബുബാബാഗ് ജില്ലയിലെ ഗര്ല മണ്ഡല് സ്വദേശികളായ ഇരുവരും ഒരുമിച്ചാണ് അമേരിക്കയിലെത്തിയത്.
അതേസമയം അപകടത്തെ കുറിച്ച് കാലിഫോര്ണിയയില് പൊലീസ് അന്വേഷണം തുടങ്ങിയിട്ടുണ്ട്. ഇരുവരുടെയും മൃതദേഹങ്ങള് നാട്ടിലേക്ക് എത്തിക്കാന് ശ്രമം തുടങ്ങിയിട്ടുണ്ട്.
ഇതിനായി ഗോഫണ്ട്മി എന്ന പേജിലൂടെ ധനസമാഹരണവും തുടങ്ങി. മൃതദേഹങ്ങള് നാട്ടിലെത്തിക്കാന് വലിയ തുക ആവശ്യമാകുന്നതിനാലാണിത്.
