തിരുവനന്തപുരം: നിയമസഭ തെരഞ്ഞെടുപ്പില് യുഡിഎഫ് 40 മുതല് 50 സീറ്റുകളില് ഒതുങ്ങുമെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. ഇടതുമുന്നണിക്ക് വീണ്ടും അധികാരം ലഭിക്കാന് ഒരു സാധ്യതയുമില്ല. കേരളത്തില് ത്രികോണ മത്സരം നടക്കുന്ന അവസാന തെരഞ്ഞെടുപ്പായിരിക്കും ഇത്തവണത്തേതെന്നും നേമം മണ്ഡലത്തിലെ എന്ഡിഎ സ്ഥാനാര്ഥിയുമായ രാജീവ് ചന്ദ്രശേഖര് പറഞ്ഞു.
തെരഞ്ഞെടുപ്പില് ബിജെപി നയിക്കുന്ന എന്ഡിഎ മുന്നണി നിര്ണായക ശക്തിയായി ഉയര്ന്നുവരും. 2026 നു ശേഷം സംസ്ഥാനത്ത് ദ്വിമുഖ തെരഞ്ഞെടുപ്പാകും നടക്കുക. ഒരു സൈഡില് എന്ഡിഎ എങ്കില് മറു സൈഡില് ഇന്ഡി മുന്നണിയായിരിക്കുമെന്നും അദ്ദേഹം പറഞ്ഞു.
മുസ്ലിം വോട്ടുകള് ലഭിക്കുമെന്ന യുഡിഎഫ് മോഹം സംഭവിക്കില്ല. ഭരണവിരുദ്ധ വോട്ടുകള് അവര്ക്ക് അനുകൂലമായി ലഭിക്കില്ല. സിപിഎം ബിജെപിയുടെ ബി ടീമാണെന്ന വാദം ശരാശരി മലയാളി വിശ്വസിക്കില്ലെന്നും അദ്ദേഹം പറയുന്നു.
