തിരുവനന്തപുരം: നിയമസഭാ തിരഞ്ഞെടുപ്പ് ഫലം പുറത്തുവരുമ്പോൾ നൂറിലധികം സീറ്റുമായി യുഡിഫ് തിരിച്ചുവരുമെന്ന് പ്രതിപക്ഷ നേതാവ് വി ഡി സതീശൻ. തെരഞ്ഞെടുപ്പ് ഫലം സംബന്ധിച്ച് പുറത്തുവരുന്ന സര്വ്വേകള് തട്ടിക്കൂട്ട് ആണെന്നും വി ഡി സതീശന് പറഞ്ഞു. പെയ്ഡ് സര്വ്വേകളാണ് ഭൂരിഭാഗവും. പാര്ലമെന്റ് തെരഞ്ഞെടുപ്പിലും അങ്ങനെയായിരുന്നു. വി കെ ശ്രീകണ്ഠനും ഹൈബി ഈഡനും ഷാഫി പറമ്പിലും പരാജയപ്പെടുമെന്നായിരുന്നു സര്വ്വേകള്. യഥാര്ത്ഥ ജനവികാരം സര്വ്വേകളില് പ്രതിഫലിക്കില്ല എന്നും കൂട്ടിച്ചേർത്തു. സംസ്ഥാനത്തിന്റെ മുഖച്ഛായ തന്നെ മാറ്റുന്ന പദ്ധതിയാണ് മുന്നിലുണ്ട്. സമഗ്രമായ മാറ്റങ്ങള് സംസ്ഥാനത്ത് കൊണ്ടുവരും എന്നും വി ഡി സതീശന് പറഞ്ഞു.
മുഖ്യമന്ത്രി പിണറായി വിജയനെതിരെയും രൂക്ഷവിമര്ശനമാണ് പ്രതിപക്ഷ നേതാവ് വി ഡി സതീശന് നടത്തിയത്. ‘കാപട്യമേ നിന്റെ പേരോ പിണറായി’ എന്ന് ചോദിക്കേണ്ടി വരികയാണെന്ന് വി ഡി സതീശന് പറഞ്ഞു. എസ്ഡിപിഐ, പിഡിപി, ആര്എസ്എസ് പിന്തുണകളെക്കുറിച്ച് മുഖ്യമന്ത്രി മിണ്ടുന്നില്ലെന്ന് വി ഡി സതീശന് പറഞ്ഞു.
