തിരുവനന്തപുരം: സംസ്ഥാനത്ത് ഉയര്ന്ന താപനില മുന്നറിയിപ്പ്. ഇന്നും തെരഞ്ഞെടുപ്പ് ദിവസമായ നാളേയും എട്ടു ജില്ലകളിലാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയത്. ഈ ജില്ലകളില് യെല്ലോ അലര്ട്ട് പ്രഖ്യാപിച്ചു.
ചൂടിനൊപ്പം അള്ട്രാവയലറ്റ് (യുവി) തരംഗങ്ങളുടെ സൂചികയും ഉയരുന്നുണ്ട്. കേരളത്തില് കഴിഞ്ഞ 24 മണിക്കൂറിനിടെ ഏറ്റവും ഉയര്ന്ന അള്ട്രാവയലറ്റ് സൂചിക രേഖപ്പെടുത്തിയത് എട്ടിടത്താണ്. തിരുവനന്തപുരം ഒഴികെ മറ്റെല്ലാ ജില്ലകളിലും യുവി ജാഗ്രതാ നിര്ദേശമുണ്ട്.
വ്യാഴാഴ്ച വരെ പാലക്കാട് ജില്ലയില് ഉയര്ന്ന താപനില 38 °C വരെയും കൊല്ലം, കോട്ടയം, തൃശൂര് ജില്ലകളില് 37°C വരെയും രേഖപ്പെടുത്തുമെന്നാണ് കാലാവസ്ഥ വകുപ്പിന്റെ പ്രവചനം. തിരുവനന്തപുരം,പത്തനംതിട്ട, ആലപ്പുഴ, എറണാകുളം ജില്ലകളില് ഉയര്ന്ന താപനില 36°C വരെയും ഉയരാന് സാധ്യതയുണ്ട്. ഈ ജില്ലകളില് സാധാരണയേക്കാള് 2 മുതല് 3 ഡി?ഗ്രി സെല്ഷ്യസ് വരെ കൂടുതല് ചൂട് അനുഭവപ്പെടാന് സാധ്യതയുള്ളതിനാല് ജാഗ്രത പാലിക്കണം.
