കൊല്ലം: പരവൂരിൽ വീട്ടിൽ അതിക്രമിച്ച് കയറി യുവതിയെ ലൈംഗികമായി ആക്രമിക്കാൻ ശ്രമിച്ച കേസിൽ യുവാവിനെ പൊലീസ് അറസ്റ്റ് ചെയ്തു. പരവൂർ കൂനയിൽ സ്വദേശിയായ രാജിത്ത് ആണ് പിടിയിലായത്.
വെള്ളിയാഴ്ച പുലർച്ചെ ഏകദേശം ഒന്നരയോടെയാണ് സംഭവം നടന്നത്. യുവതിയുടെ വീടിന്റെ ജനൽ പൊളിച്ച് അകത്ത് കയറിയ പ്രതി ഉറങ്ങിക്കിടന്ന യുവതിയെ ലൈംഗികാതിക്രമത്തിന് ശ്രമിച്ചു. യുവതി ഉണർന്ന് ബഹളം വച്ചതോടെ പ്രതി സ്ഥലത്ത് നിന്ന് ഓടി രക്ഷപ്പെടുകയായിരുന്നു.
യുവതി നൽകിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം നടത്തി രാജിത്തിനെ അറസ്റ്റ് ചെയ്തത്. പ്രതിക്കെതിരെ നരഹത്യശ്രമം, എൻഡിപിഎസ് ഉൾപ്പെടെ നിരവധി കേസുകൾ നിലവിലുണ്ടെന്ന് പൊലീസ് അറിയിച്ചു.
