കൊച്ചി: ലഹരി ഉപയോഗിച്ചെന്ന് വേടന് സമ്മതിച്ചതായി പൊലീസ്. ആറ് ഗ്രാം കഞ്ചാവാണ് ഫ്ലാറ്റില് നിന്ന് പിടിച്ചെടുത്തത്. കൂടാതെ, ഫ്ലാറ്റില് ഉണ്ടായിരുന്നവരുടെ മൊബൈല് ഫോണും ഒമ്പത് ലക്ഷം രൂപയും കണ്ടെടുത്തതായും ഹില് പാലസ് സി.ഐ വ്യക്തമാക്കി. പരിപാടിക്ക് ലഭിച്ച തുകയാണ് 9.5 ലക്ഷം എന്നാണ് ഇവര് പറയുന്നത്. ഒമ്പതംഗ സംഘമായിരുന്നു ഫ്ലാറ്റിലുണ്ടായതെന്നും അദ്ദേഹം കൂട്ടിച്ചേര്ത്തു.
വേടന് എന്ന് അറിയപ്പെടുന്ന ഹിരണ് ദാസ് മുരളിയും സുഹൃത്തും പരിശീലനത്തിനായി എടുത്ത ഫ്ലാറ്റില് നിന്നാണ് ഇപ്പോള് കഞ്ചാവ് പിടികൂടിയിരിക്കുന്നത്. ഞായറാഴ്ച രാത്രിയാണ് ഇവര് പരിപാടി കഴിഞ്ഞെത്തിയത്. പൊലീസ് സംഘം പരിശോധനയ്ക്കെത്തുമ്പോള് സംഘം വിശ്രമിക്കുകയായിരുന്നുവെന്നും ദേഹപരിശോധനയില് നിന്നല്ല കഞ്ചാവ് ലഭിച്ചതെന്നും പൊലീസ് പറയുന്നു.
കുറച്ച് ദിവസമായി ഇവരെ നിരീക്ഷിക്കുന്നുണ്ടായിരുന്നു. നിയമനടപടികളുമായി മുന്നോട്ട് പോകും. വൈദ്യപരിശോധനയ്ക്ക് ശേഷം ജാമ്യംനല്കി വിടാനാണ് തീരുമാനം. കഞ്ചാവിന്റെ ഉറവിടത്തെക്കുറിച്ച് ഇവര് പറഞ്ഞിട്ടുണ്ടെന്നും അത് പുറത്ത് പറയാനാവില്ലെന്നും പൊലീസ് അറിയിച്ചു.
