കോഴിക്കോട്: മണ്ണിടിച്ചില് ഭീഷണി നിലനില്ക്കുന്ന സാഹചര്യത്തില് താമരശ്ശേരി ചുരത്തിലെത്തി സ്ഥിതിഗതികള് വിലയിരുത്തി കോഴിക്കോട് ജില്ലാ കളക്ടര് സ്നേഹില് കുമാര് സിംഗ്. സ്ഥലത്ത് കൂടുതല് പരിശോധനകള് വേണമെന്നാണ് കളക്ടര് പ്രതികരിച്ചത്. നേരത്തെ കളക്ടര് സംഭവസ്ഥലം സന്ദര്ശിക്കാത്തതില് വലിയ വിമര്ശനം ഉയര്ന്നിരുന്നു. എന്നാല് കാര്യങ്ങള് അറിയുണ്ടായിരുന്നെന്നും സബികളക്ടര് അടക്കമുള്ള ഉദ്യോഗസ്ഥര് സ്ഥലത്തെത്തിയിരുന്നു, ഒരു സിസ്റ്റം ആയാണ് പ്രവര്ത്തിക്കുന്നത് എന്നും കളക്ടര്
ആധുനീക ഉപകരണങ്ങള് എത്തിച്ച് പരിശോധിക്കണമെന്നും സുരക്ഷ ഉറപ്പാക്കിയതിന് ശേഷം മാത്രമേ റോഡ് പൂര്ണമായി തുറക്കൂ. പരിശോധനയ്ക്ക് ശേഷം മാത്രമേ തീരുമാനം ഉണ്ടാവൂ. ചുരത്തിലെ ഒമ്പതാം വളവില് അപകടക സാധ്യത നിലനില്ക്കുന്നുണ്ട്. ബന്ധപ്പെട്ട അധികൃതര് ഇന്ന് സ്ഥലത്തെത്തി പരിശോധന നടത്തും , നിലവില് ചെറിയ വാഹനങ്ങള് മാത്രമേ കടത്തി വിടുന്നുള്ളൂ. ഉച്ച കഴിഞ്ഞ് വിദഗ്ധ സംഘം പരിശോധിക്കും. ഭാര വാഹനങ്ങള് കടത്തി വിടുന്നതില് അതിന് ശേഷം മാത്രം തീരുമാനം ഉണ്ടാവുകയുള്ളൂ എന്നും കളക്ടര് ഇന്ന് വ്യക്തമാക്കിയിട്ടുണ്ട്.
