തിരുവനന്തപുരം: ശശി തരൂരിനെതിരെ ആഞ്ഞടിച്ച് മുതിര്ന്ന നേതാവ് എംഎം ഹസന്. ശശി തരൂര് തല മറന്ന് എണ്ണ തേക്കുന്നുവെന്നാണ് ഹസ്സന്റെ വാക്കുകള്.
നെഹ്റു കുടുംബത്തിന്റെ ഔദാര്യത്തിലാണ് ശശി തരൂര് രാഷ്ട്രീയത്തിലേക്ക് എത്തിയതെന്നും ,അദ്വാനിയെ പുകഴ്ത്താന് കോണ്ഗ്രസിന്റെ നേതാക്കളെ ഇകഴ്ത്തി കാണിച്ചു. രാജ്യത്തിനും സമൂഹത്തിനും വേണ്ടിയും ഒരു തുള്ളി വിയര്പ്പ് പൊഴിക്കാത്ത വ്യക്തിയാണ് തരൂര് എന്നും ഹസന് വിമര്ശിച്ചു.
വര്ക്കിംഗ് കമ്മിറ്റിയില് നിന്നുകൊണ്ടാണ് നെഹ്റു കുടുംബത്തെ അവഹേളിച്ചത്. മിനിമം മര്യാദ ഉണ്ടങ്കില്, വര്ക്കിംഗ് കമ്മിറ്റിയില് നിന്ന് രാജി വച്ചിട്ട് വേണമായിരുന്നു ഇങ്ങനെ പറയേണ്ടിയിരുന്നത്. നെഹ്റുവിന്റെ ജന്മദിനം ആയതുകൊണ്ടാണ് താന് ഇത്രയും പറഞ്ഞതെന്നും ഹസന് കൂട്ടിച്ചേര്ത്തു. നെഹ്റു സെന്റര് നടത്തുന്ന നെഹ്റു അവാര്ഡ് ദാന ചടങ്ങില് സംസാരിക്കവേ ആയിരുന്നു എം എം ഹസ്സന്റെ പരാമര്ശം.
