ഡല്ഹി: നാല് ദിവസം നീണ്ടു നില്ക്കുന്ന വിദേശ രാജ്യങ്ങളിലേക്കുള്ള സന്ദര്ശനത്തിനായി പ്രധാനമന്ത്രി നരേന്ദ്ര മോദി യാത്ര തിരിച്ചു.
ജോര്ദ്ദാനിലാണ് മോദിയുടെ ആദ്യ സന്ദര്ശനം. രാവിലെ പത്തുമണിയോടെയാണ് മോദി ജോര്ദ്ദാനിലേക്ക് പുറപ്പെട്ടത്.
ജോര്ദ്ദാന് കൂടാതെ എത്യോപ്യ, ഒമാന് എന്നീ രാജ്യങ്ങളും മോദിയുടെ സന്ദര്ശന പട്ടികയിലുണ്ട്.
സന്ദര്ശനത്തിന്റെ ഭാഗമായി ജോര്ദ്ദാനിലെത്തുന്ന നരേന്ദ്ര മോദി, അബ്ദുള്ള രണ്ടാമന് രാജാവുമായി കൂടിക്കാഴ്ച നടത്തും.
ഇന്ത്യയും ജോര്ദ്ദാനും നയതന്ത്ര ബന്ധം സ്ഥാപിച്ചതിന്റെ എഴുപത്തഞ്ചാം വര്ഷത്തിലാണ് മോദിയുടെ യാത്ര എന്നതും ശ്രദ്ധേയമാണ്.
നാളെ രാവിലെ ഇന്ത്യയിലെയും ജോര്ദ്ദാനിലെയും വ്യവസായികളുടെ യോഗത്തില് പ്രധാനമന്ത്രി പങ്കെടുക്കും.
അതിന് ശേഷം പെട്രയിലേക്ക് പോകും. പിന്നീട് എത്യോപ്യയിലേക്ക് പോകുന്ന മോദി, പ്രധാനമന്ത്രി അബി അഹമ്മദലിയുമായി ചര്ച്ച നടത്തും.
ഇതാദ്യമായാണ് മോദി എത്യോപ്യയില് എത്തുന്നത്. എത്യോപ്യയില് നിന്ന് ബുധനാഴ്ച ഒമാനിലെത്തുന്ന മോദി സുല്ത്താന് ഹൈതം ബിന് താരിക്കിനെ കാണും.
ഇന്ത്യയ്ക്കും ഒമാനുമിടയില് നയതന്ത്ര ബന്ധം സ്ഥാപിച്ചതിന്റെ എഴുപതാം വാര്ഷികത്തിലാണ് മോദിയുടെ രണ്ടാം ഒമാന് യാത്ര.
