കാസർകോട്: യുവതിയെ ലോഡ്ജിൽ കൊണ്ടുപോയി തടഞ്ഞുവെച്ച് ലൈംഗികാതിക്രമം നടത്തിയെന്ന കേസിൽ പ്രതിയെ പോലീസ് അറസ്റ്റ് ചെയ്തു. കാസർകോട് സ്വദേശിയായ വിഷ്ണു (24)വിനെയാണ് കാസർകോട് ടൗൺ പോലീസ് പിടികൂടിയത്.

ജൂൺ 13-ന് വൈകിട്ടാണ് സംഭവം നടന്നതെന്ന് പോലീസ് അറിയിച്ചു. 19 വയസ്സുകാരിയായ യുവതിയാണ് പരാതിക്കാരി.

നഗരത്തിൽ എത്തിയ യുവതിയെ കുടുംബവിഷയം സംസാരിക്കാനെന്ന് പറഞ്ഞ് ഓട്ടോറിക്ഷയിൽ ലോഡ്ജിലേക്ക് കൊണ്ടുപോയതായി പരാതിയിൽ പറയുന്നു. തുടർന്ന് യുവതിയുടെ മൊബൈൽ ഫോൺ വാങ്ങിവെച്ച് തടഞ്ഞുവെച്ച് അതിക്രമം നടത്തിയെന്നാണ് ആരോപണം.

എതിർത്തപ്പോൾ ബലമായി നിയന്ത്രിച്ചുവെന്നും പരാതിയിൽ വ്യക്തമാക്കുന്നു. പ്രതിയെ ഇന്ന് കോടതിയിൽ ഹാജരാക്കുമെന്ന് പോലീസ് അറിയിച്ചു. അന്വേഷണം തുടരുകയാണ്.