കൊച്ചി: തൃക്കാക്കര നഗരസഭയില് ട്വന്റി 20 പാര്ട്ടി അധികാരത്തില് വരണമെന്ന് ആഗ്രഹിക്കുന്ന തൃക്കാക്കര നിയോജക മണ്ഡലത്തിലെ പൗരപ്രമുഖരായവരുടെ നേതൃത്വ സംഗമം സബര്ബന് ക്ലബ്ബില് നടന്നു.
പ്രമുഖ സാമൂഹ്യ- സാംസ്കാരിക പ്രവര്ത്തകനായ പോള് മേച്ചേരിയുടെ നേതൃത്വത്തില് വിവിധ സംഘടനകളും സമൂഹത്തിന്റെ വിവിധ തലങ്ങളില് സേവനമനുഷ്ഠിക്കുന്ന ഉന്നതരായ വ്യക്തികളുമാണ് ചടങ്ങില് പങ്കെടുത്തത്.
ട്വന്റി 20 പാര്ട്ടിയെ പ്രതിനിധീകരിച്ച് സംസ്ഥാന വൈസ് പ്രസിഡണ്ട് വി. ഗോപകുമാര് സംസ്ഥാന എക്സിക്യൂട്ടീവ് ബോര്ഡ് അംഗം അഡ്വ. ചാര്ളി പോള് ,ജില്ലാ കോ- ഓര്ഡിനേറ്റര് മാരായ ഡോ.ടെറി തോമസ് ,ലീന സുഭാഷ് നിയോജകമണ്ഡലം പ്രസിഡന്റ് എം. ജെ ജയിംസ് ,സെക്രട്ടറി റാഫി ആലപ്പാട്ട് സാമൂഹ്യപ്രവര്ത്തകന് പോള് മേച്ചേരി എന്നിവര് സംസാരിച്ചു.
