തിരുവനന്തപുരം: ശബരിമലയിലെ സ്വര്ണ്ണപ്പാളിവിവാദം ഇന്ന് നിയമസഭയില് സര്ക്കാറിനെതിരെ ഉന്നയിക്കാന് പ്രതിപക്ഷം. സ്വര്ണ്ണം കാണാതായതിന്റെ ഉത്തരവാദിത്തത്തില് നിന്ന് സര്ക്കാറിനും ദേവസ്വം ബോര്ഡിനും ഒഴിഞ്ഞുമാറാനാകില്ലെന്ന നിലപാടിലുറച്ചാണ് പ്രതിപക്ഷം ഇന്ന് നിയമസഭയിലെത്തുക. സ്വര്ണ്ണം കാണാതായതില് സിബിഐ അന്വേഷണമാണ് യുഡിഎഫ് ആവശ്യം. നേരത്തെ പ്രശ്നം അടിയന്തിര പ്രമേയ നോട്ടീസായി വന്നപ്പോള് ഹൈക്കോടതിയുടെ പരിഗണനയിലായതിനാല് ചര്ച്ച അനുവദിച്ചിരുന്നില്ല,
സ്വര്ണപ്പാളി വിവാദത്തില് പ്രതിപക്ഷ എം.എല്.എമാരായ എം.വിന്സന്റ് ടി.ജെ.വിനോദ്, ടി.സിദ്ദിഖ്, ഉമാ തോമസ് എന്നിവരാണ് ചോദ്യം നല്കിയിരിക്കുന്നത്. ആഗോള അയ്യപ്പ സംഗമത്തിന്റെ ചെലവ് സംബന്ധിച്ച ചോദ്യം ഇടത് സ്വതന്ത്ര എം.എല്.എ പി.ടി.എ റഹീമാണ് ഉന്നയിച്ചിരിക്കുന്നത്. ഈ രണ്ട് ചോദ്യങ്ങള്ക്കും എന്ത് ഉത്തരം നല്കും എന്നുള്ള പ്രതീക്ഷയിലാണ് പ്രതിപക്ഷം.
സര്വ്വകലാശാല നിയമഭേദഗതി ബില്ലും ഡിജിറ്റല് സര്വ്വകലാശാല ഭേദഗതി ബില്ലും ഇന്ന് സഭയിലെത്തും. ഡിജിറ്റല് വിസി നിയമനത്തില് ചാന്സിലറെ ഒഴിവാക്കി അഞ്ച് അംഗ സേര്ച്ച് കമ്മിറ്റി രൂപീകരിക്കാനുള്ളതാണ് ബില്. രണ്ട് മാസത്തിലൊരിക്കല് സിന്ഡിക്കേറ്റ് യോഗം ചേരണമെന്ന വ്യവസ്ഥയുള്ളതാണ് സര്വ്വകലാശാല നിയമഭേദഗതി ബില്. മുമ്പ് രാഷ്ട്രപതി തിരിച്ചയച്ച മലയാളം ഭാഷാ ബില് പുതുക്കി ഇന്ന് അവതരിപ്പിക്കും.
