കാസർകോട്: ചൂട് കനക്കുന്നതിനൊപ്പം ദാഹവും കൂടുമ്പോൾ കടകളിലേക്ക് ഓടിച്ചെന്നു തണുത്ത മധുരപാനീയങ്ങൾ വാങ്ങി കുടിക്കുന്ന പ്രവണത കുട്ടികളിൽ മാത്രം അല്ല, മുതിർന്നവരിലും വ്യാപകമാണ്. തണുപ്പിച്ചതും അല്ലാത്തതുമായ സോഫ്റ്റ് ഡ്രിങ്ക്സുകളുടെ ഉപയോഗം വേനൽക്കാലത്ത് ഇരട്ടിയിലധികം വർധിച്ചിട്ടുണ്ടെന്നാണ് കടയുടമകൾ പറയുന്നത്. നഗരങ്ങളിൽ മാത്രമല്ല, ഗ്രാമപ്രദേശങ്ങളിലേക്കും ഈ പാനീയങ്ങളുടെ ഉപയോഗം വ്യാപിച്ചിരിക്കുകയാണ്. വിവിധ പഴങ്ങളുടെ രുചിയും മണവും പഞ്ചസാരലായനിയിൽ ചേർത്ത് കൃത്രിമമായി നിർമ്മിക്കുന്ന ഈ പാനീയങ്ങൾ ആരോഗ്യത്തിന് ഗുണത്തേക്കാൾ ദോഷം ചെയ്യുന്നവയാണ്. സോഫ്റ്റ് ഡ്രിങ്ക്സുകൾ സ്ഥിരമായി ഉപയോഗിക്കുന്നത് ജീവിതശൈലി രോഗങ്ങൾക്ക് വഴിവെയ്ക്കുമെന്ന […]