തിരുവനന്തപുരം: ആശമാരെ സന്ദർശിച്ച് പാലക്കാട് എംഎൽഎ രാഹുൽ മാങ്കൂട്ടത്തിൽ. ഇന്ന് രാവിലെ പതിനൊന്നുമണിയോടെയാണ് സമരം ചെയ്യുന്ന ആശമാരെ കാണാൻ രാഹുൽ എത്തിയത്. രാഹുൽ ആശമാരോട് വിശേഷങ്ങൾ ചോദിച്ചറിഞ്ഞു. ഒറ്റയ്ക്കാണ് അദ്ദേഹം സമരപ്പന്തലിൽ എത്തിയത്. നേതാക്കളോ, യുഡിഎഫ് പ്രവർത്തകരോ ഒപ്പമുണ്ടായിരുന്നില്ല. നിയമസഭയുടെ പ്രത്യേക സമ്മേളനം നടക്കുന്നതിനാൽ രാഹുൽ തലസ്ഥാനത്തുണ്ടായിരുന്നു. പ്രതിപക്ഷ നേതാവുൾപ്പെടെയുള്ള കൂടുതൽ യുഡിഎഫ് നേതാക്കളും സമരപ്പന്തലിൽ എത്തി. 266 ദിവസമായി ആശാവർക്കർമാർ സെക്രട്ടേറിയറ്റിന് മുന്നിൽ നടത്തിയ രാപ്പകൽ സമരത്തിന് ഇന്ന് അന്ത്യമായി. സമര പ്രഖ്യാപന റാലിയോടെയാണ് അവസാനിപ്പിച്ചത്. […]