തിരുവനന്തപുരം: മുന് മുഖ്യമന്ത്രി പിണറായി വിജയനെ വിമാനത്തില് വെച്ച് വധിക്കാന് ശ്രമിച്ചെന്ന കേസിലെ ഗുരുതര വകുപ്പുകൾ പോലീസ് ഒഴിവാക്കി. വ്യോമയാന നിയമത്തിലെ വകുപ്പുകളാണ് ഒഴിവാക്കിയിരിക്കുന്നത്. അന്തിമ റിപ്പോര്ട്ട് തിരുവനന്തപുരം പ്രിന്സിപ്പല് സെഷന്സ് കോടതിയില് സമര്പ്പിച്ചു. സംഭവം നടന്ന് നാല് വര്ഷത്തിന് ശേഷമാണ് കേസില് റിപ്പോര്ട്ട് സമർപ്പിക്കുന്നത്.
2022 ജൂണ് 13ന് കണ്ണൂരില് നിന്നും തിരുവനന്തപുരത്തേക്കുള്ള വിമാനയാത്രയിലാണ് യൂത്ത് കോണ്ഗ്രസ് പ്രവര്ത്തകര് മുന് മുഖ്യമന്ത്രിക്കെതിരെ പ്രതിഷേധിച്ചത്. ഇത് വലിയ വിവാദമായിരുന്നു. വിമാനത്തിനുള്ളില് വെച്ച് മുഖ്യമന്ത്രിയെ വധിക്കാന് ശ്രമിച്ചുവെന്നായിരുന്നു കേസ്. ഫര്സീന് മജീദ്, നവീന്, സുധീപ് ജയിംസ്, കെ എസ് ശബരീനാഥന് എന്നിവരാണ് കേസിലെ പ്രതികള്. കേസിലെ പ്രതികള്. വധശ്രമം, ഗൂഢാലോചന എന്നി വകുപ്പുകൾ നിലനിര്ത്തിയിട്ടുണ്ട്. വലിയതുറ പൊലീസാണ് റിപ്പോര്ട്ട് സമര്പ്പിച്ചത്.
