ബെംഗളൂരു: ആന്ധ്രാപ്രദേശിലെ കർണൂൽ ജില്ലയിൽ 15 വയസ്സുകാരനായ മകനെ അമ്മയും കാമുകനും ചേർന്ന് കൊലപ്പെടുത്തിയതായി പൊലീസ് കണ്ടെത്തി. സംഭവത്തിൽ കുട്ടിയുടെ അമ്മ ഗംഗമ്മയെയും കാമുകനായ ദർഗപ്പയെയും പ്രതികളാക്കി അന്വേഷണം പുരോഗമിക്കുകയാണ്. വീരേന്ദ്ര (15) എന്ന കുട്ടിയാണ് കൊല്ലപ്പെട്ടത്. ഗംഗമ്മയും ദർഗപ്പയും തമ്മിലുള്ള ബന്ധത്തെ വീരേന്ദ്ര എതിർക്കുകയും ഇതുസംബന്ധിച്ച് ബന്ധുക്കളോടും ഗ്രാമവാസികളോടും സംസാരിക്കുകയും ചെയ്തിരുന്നുവെന്ന് പൊലീസ് അറിയിച്ചു. ഇതേ തുടർന്ന് ഇരുവരും കുട്ടിയെ കൊലപ്പെടുത്താൻ പദ്ധതിയിട്ടതായാണ് അന്വേഷണത്തിൽ കണ്ടെത്തിയത്. കൊലപാതകത്തിന് ശേഷം മൃതദേഹം ഗ്രാമപരിധിയിലെ ശ്മശാനത്തിൽ രഹസ്യമായി കുഴിച്ചുമൂടി. […]