കൊല്ലം: കൊല്ലത്ത് നവവധുവിന് നേരെയുണ്ടായതായി ആരോപിക്കപ്പെടുന്ന സ്ത്രീധന പീഡനത്തിൽ ദേശീയ വനിതാ കമ്മീഷൻ സ്വമേധയാ കേസെടുത്തു. മാധ്യമ വാർത്തകളുടെ അടിസ്ഥാനത്തിലാണ് കമ്മീഷന്റെ നടപടി. സംഭവത്തിൽ കേരള പൊലീസിനോട് റിപ്പോർട്ട് സമർപ്പിക്കാൻ നിർദേശിച്ച കമ്മീഷൻ, പരാതിയിലെ ആരോപണങ്ങളിൽ അടിയന്തര നടപടി സ്വീകരിക്കണമെന്നും ആവശ്യപ്പെട്ടു. നീണ്ടകര സ്വദേശിനിയായ യുവതിയാണ് ഭർത്താവിൽ നിന്ന് സ്ത്രീധനത്തിന്റെ പേരിൽ ക്രൂരമായ ശാരീരിക പീഡനം നേരിട്ടതായി പരാതി നൽകിയത്. സൗദിയിൽവെച്ചാണ് പീഡനം നടന്നതെന്നാണ് പരാതിയിലെ ആരോപണം. ലാപ്ടോപ്പ് ചാർജർ, ബെൽറ്റ്, പ്രഷർ കുക്കർ തുടങ്ങിയവ ഉപയോഗിച്ച് […]