കേരള സർവകലാശാലയ്ക്ക് കീഴിലുള്ള കോളേജുകളിലും സർവകലാശാലാ പഠനവിഭാഗങ്ങളിലും വിദ്യാർഥിരാഷ്ട്രീയത്തിന് പൂർണ്ണ കൂച്ചുവിലങ്ങിടാനുള്ള നീക്കമാണ് ഇപ്പോൾ വലിയ രാഷ്ട്രീയ വിവാദങ്ങൾക്ക് തിരികൊളുത്തിയിരിക്കുന്നത്. ക്യാമ്പസുകളിൽ സമാധാനാന്തരീക്ഷവും അച്ചടക്കവും ഉറപ്പുവരുത്താൻ കർശന നിയന്ത്രണങ്ങൾ നിർദ്ദേശിക്കുന്ന സിൻഡിക്കേറ്റിന്റെ കരട് മാർഗ്ഗരേഖയാണ് പുറത്തുവന്നിട്ടുള്ളത്. കോളേജുകളിലോ പഠനവിഭാഗങ്ങളിലോ വിദ്യാർഥികൾ യാതൊരുവിധ രാഷ്ട്രീയപ്രവർത്തനങ്ങളിലും ഏർപ്പെടാൻ പാടില്ലെന്നതാണ് ഈ പ്രൊപ്പോസലിലെ പ്രധാന ശിപാർശ. മുൻപ് കലാലയങ്ങളിൽ ക്രമസമാധാനം ഉറപ്പാക്കാനുള്ള നടപടികൾ വ്യക്തമാക്കി റിപ്പോർട്ട് നൽകാൻ ഹൈക്കോടതി ആവശ്യപ്പെട്ടിരുന്നു. ഇതിന്റെ അടിസ്ഥാനത്തിൽ ചാൻസലർ കൂടിയായ ഗവർണർ നൽകിയ നിർദ്ദേശത്തെ തുടർന്നാണ് […]