കോഴിക്കോട്: ഷിഗെല്ല രോഗബാധയെ തുടർന്ന് മൂന്നര വയസുകാരി മരിച്ചു. കോഴിക്കോട് കുറ്റിക്കാട്ടൂർ ആനക്കുഴിക്കര സ്വദേശിനിയാണ് മരിച്ചത്. കുട്ടി പഠിച്ചിരുന്ന അങ്കണവാടിയിലെ മൂന്ന് കുട്ടികൾക്കും സമാന രോഗ ലക്ഷണങ്ങൾ കണ്ടെത്തിയിട്ടുണ്ട്. കഴിഞ്ഞ ഞായറാഴ്ചയാണ് കുട്ടി മരിച്ചത്. പരിശോധനാഫലം ഇന്ന് പുറത്തുവന്നതോടെയാണ് ഷിഗെല്ല ബാധ സ്ഥിരീകരിച്ചത്. രോഗലക്ഷണം കണ്ടെത്തിയ കുട്ടികളെ ആശുപത്രിയിൽ പ്രവേശിപ്പിച്ചു. കൂടാതെ ആനക്കുഴിക്കര പ്രദേശത്ത് അഞ്ചുപേർക്കും രോഗലക്ഷണങ്ങൾ റിപ്പോർട്ട് ചെയ്തിട്ടുണ്ട്. സംഭവത്തെ തുടർന്ന് ആരോഗ്യവകുപ്പ് അടിയന്തര നടപടികൾ ആരംഭിച്ചു. പ്രദേശത്ത് രോഗവ്യാപന സാധ്യത പരിശോധിച്ച് നിരീക്ഷണം ശക്തമാക്കിയിരിക്കുകയാണ്. […]