മലപ്പുറം: ആഗോളതലത്തിൽ വർദ്ധിച്ചുവരുന്ന തൊഴിൽ-സാംസ്കാരിക സാധ്യതകൾ പ്രയോജനപ്പെടുത്താൻ അറബിഭാഷാ പഠനം കാലഘട്ടത്തിന്റെ അനിവാര്യതയാണെന്ന് പാണക്കാട് സയ്യിദ് മുനവ്വറലി ശിഹാബ് തങ്ങൾ. കേരള അറബിക് ടീച്ചേഴ്സ് ഫെഡറേഷൻ (KATF) മലപ്പുറം ജില്ലാ സമ്മേളനം ചെമ്മാട് കോ-ഓപ്പറേറ്റീവ് ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അറബി ഭാഷയുടെ സാധ്യതകൾ പുതിയ തലമുറയ്ക്ക് പകർന്നുനൽകുന്നതിൽ അധ്യാപകർക്ക് വലിയ പങ്കുണ്ട്. മാറുന്ന ലോകത്തിനനുസരിച്ച് പഠനരീതികളിലും നൈപുണ്യ വികസനത്തിലും അധ്യാപകർ ശ്രദ്ധ കേന്ദ്രീകരിക്കണമെന്നും അദ്ദേഹം കൂട്ടിച്ചേർത്തു.ശനിയാഴ്ച നടന്ന സമ്മേളനത്തിൽ ജില്ലാ പ്രസിഡന്റ് എൻ.ടി. ഹമീദലി […]