പാലക്കാട്: നെന്മാറ അയിലൂരിൽ അയിലമുടിച്ചി മലയിൽ വനംവകുപ്പിന്റെ നേതൃത്വത്തിൽ നടക്കുന്ന മരംമുറിക്കലും ഇതിനായി നടത്തുന്ന റോഡ് നിർമ്മാണവും പ്രദേശവാസികളെ ആശങ്കയിലാഴ്ത്തുന്നു. മരങ്ങൾ കടത്താനായി ആറ് കിലോമീറ്ററോളം ദൂരത്തിൽ നിർമ്മിച്ച റോഡിനായി കൂറ്റൻ പാറക്കല്ലുകൾ ഇളക്കിമാറ്റിയതാണ് നിലവിൽ വലിയ സുരക്ഷാ ഭീഷണിയായിരിക്കുന്നത്. കശുമാവ്, യൂക്കാലി മരങ്ങൾ മുറിച്ച് പകരം നാടൻ മരങ്ങൾ വെച്ചുപിടിപ്പിക്കാനാണ് പദ്ധതിയെന്നാണ് വനംവകുപ്പിന്റെ വിശദീകരണം. എന്നാൽ മരങ്ങൾ വാഹനങ്ങളിൽ കൊണ്ടുപോകുന്നതിനായി മലയുടെ വിവിധ ഭാഗങ്ങളിൽ ജെ.സി.ബി ഉപയോഗിച്ച് മണ്ണുമാന്തി റോഡ് നിർമ്മിച്ചിരിക്കുകയാണ്. നിർമ്മാണത്തിന്റെ ഭാഗമായി ഇളക്കിമാറ്റിയ […]

പാലക്കാട്: മംഗലംഡാം വലതുകര കനാലിൽ ചോർച്ചയെത്തുടർന്ന് ഇടിഞ്ഞ ഭാഗത്തെ പുനർനിർമാണം പൂർത്തിയായി. തിങ്കളാഴ്ച ജലവിതരണം പുനരാരംഭിക്കുമെന്ന് ജലവിഭവ വകുപ്പ് ആലത്തൂർ അസി. എക്സി. എൻജിനിയർ ടി.പി. ശുഭ പറഞ്ഞു. നെൽക്കർഷകർക്ക് വെള്ളം ലഭിക്കേണ്ട സമയമായതിനാൽ വളരെ വേഗത്തിൽ ജോലികൾ പൂർത്തിയാക്കുകയായിരുന്നു. ചൊവ്വാഴ്ചയാണ് വലതുകര കനാൽ തുടങ്ങുന്നിടത്ത് ചെറുകുന്നം പുഴയ്ക്കു കുറുകേയുള്ള കനാൽ പാലത്തിനോടു ചേർന്നുള്ള ഭാഗമിടിഞ്ഞത്. ചോർച്ചയെത്തുടർന്ന് കോൺക്രീറ്റ് പ്രതലത്തിനടിയിലുള്ള മണ്ണൊഴുകി നഷ്ടപ്പെട്ട് പത്തടിയോളം താഴ്ചയിൽ ഇടിയുകയായിരുന്നു. വശങ്ങളിൽ മണൽചാക്ക് അടുക്കിവെച്ച് ഉള്ളിൽ മണ്ണുനിറച്ച് നിലമുറപ്പിച്ചു. ചോർച്ച […]

പാലക്കാട്: വടക്കഞ്ചേരി ടൗണിനു സമീപമുള്ള റൈസ് മില്ലിൽനിന്നു വരുന്ന കരിയും പുകയും പൊടിപടലങ്ങളും കാരണം ഒട്ടേറെ കുടുംബങ്ങൾ ദുരിതം പേറുന്നതായി പരാതി. വടക്കഞ്ചേരി കാരയങ്കാട്, അമ്പാട്ടുപറമ്പ്, ആമക്കുളം മേഖലയിലുള്ളവരാണ് പൊടിശല്യം കാരണം വട്ടംകറങ്ങുന്നത്. കുട്ടികൾക്കും വയോജനങ്ങൾക്കും ചുമയും തുമ്മലും അലർജി രോഗങ്ങളും വർധിച്ചു. ഇവിടെയുള്ള കിണറുകളിലും ശുദ്ധജല സംഭരണികളിലുമുള്ള ജലം ഉപയോഗിക്കാൻ കഴിയാത്ത നിലയിലാണ്. വീടുകളുടെ ഉള്ളിലേക്കു പൊടി കയറുന്നതായി വീട്ടമ്മമാർ പറഞ്ഞു. പ്രദേശവാസികൾ ഒപ്പിട്ട പരാതി പഞ്ചായത്ത്, വില്ലേജ്, താലൂക്ക് അധികൃതർക്കും മലിനീകരണ നിയന്ത്രണ ബോർഡിനും […]

പാലക്കാട്: വടക്കഞ്ചേരിജനുവരി 26ന് ന്യൂ ഡൽഹി യിൽ നടക്കുന്ന റിപ്പബ്ലിക്‌ദിന പരേഡിൽ പങ്കെടുക്കാൻ വടക്കഞ്ചേരി കമ്മാന്തറ സ്വദേശി വി.എസ് മുഹമ്മദ് ഫർഹാന് അവസരം. എൻസിസി കേരള ആൻഡ് ലക്ഷദ്വീപ് ഡയറക്ടറേറ്റിനെ പ്രതിനിധീകരിച്ചാണ് പ്രൈം മിനിസ്റ്റ‌ർ റാലിയിൽ ഫർഹാൻ പങ്കെടുക്കുന്നത്. ആലത്തൂർ എസ്എൻ കോളജിലെ രണ്ടാം വർഷ ബിഎ ഇംഗ്ലിഷ് ബിരുദ വിദ്യാർഥിയാണ്. 5 മാസം നീണ്ട കഠിന പരിശീലനത്തിനും തിരഞ്ഞെടുപ്പിനും ശേഷമാണ് ഫർഹാനെ തേടി സുവർണാവസരമെത്തുന്നത്. വടക്കഞ്ചേരി കമ്മാന്തറ അബ്‌ദുൽ ഷുക്കൂറിന്റെയും റെജീനയുടെയും മകനാണ് മുഹമ്മദ് ഫയാസാണ് […]

പാലക്കാട്: മംഗലംഡാമിൽ പുകപ്പുരയ്ക്ക് തീപിടിച്ച് ലക്ഷങ്ങളുടെ നാശനഷ്ടം. കിഴക്കേപറമ്പിൽ ടോമിയുടെ ഉടമസ്ഥതയിലുള്ള റബ്ബർ പുകപ്പുരയ്ക്കാണ് ഇന്നലെ രാത്രി തീപിടിച്ചത്. പുകപ്പുരയിൽ ഉണങ്ങാനിട്ടിരുന്ന ഏകദേശം മൂന്നര ടണ്ണോളം റബ്ബർ ഷീറ്റുകൾ പൂർണ്ണമായും കത്തിനശിച്ചു.​ഇന്നലെ രാത്രി എട്ടരയോടെയാണ് സംഭവം. പുകപ്പുരയുടെ മുകൾഭാഗത്തുനിന്നും അതിശക്തമായ തീ ഉയരുന്നത് കണ്ട നാട്ടുകാരാണ് വിവരം അഗ്നിരക്ഷാസേനയെ അറിയിച്ചത്. വടക്കഞ്ചേരിയിൽ നിന്നും എത്തിയ അഗ്നിരക്ഷാസേന യൂണിറ്റും നാട്ടുകാരും ചേർന്ന് ഏറെ പരിശ്രമിച്ചാണ് തീ നിയന്ത്രണവിധേയമാക്കിയത്. പുകപ്പുരയുടെ മുകൾഭാഗം ഏകദേശം പൂർണ്ണമായും നിലംപൊത്തിയിട്ടുണ്ട്.​റബ്ബർ ഷീറ്റുകൾക്ക് പുറമെ പുകപ്പുരയുടെ […]