തിരുവനന്തപുരം: കെപിസിസി ആസ്ഥാനത്ത് നടന്ന നിയമസഭാ കക്ഷി യോഗത്തിനിടെ കൊല്ലത്തെ നിയുക്ത എംഎൽഎ ബിന്ദു കൃഷ്ണയും നേതാവ് ചെറിയാൻ ഫിലിപ്പും തമ്മിൽ ഉണ്ടായ സംഭവത്തിന്റെ വീഡിയോ സോഷ്യൽ മീഡിയയിൽ വൈറലായി. യോഗത്തിന് എത്തിച്ചേർന്ന ബിന്ദു കൃഷ്ണ മാധ്യമങ്ങളോട് സംസാരിച്ച് മുന്നോട്ട് പോകുന്നതിനിടെ ചെറിയാൻ ഫിലിപ്പ് സമീപിച്ചു. ആദ്യം കൈകൊടുക്കാൻ ശ്രമിച്ചപ്പോൾ അദ്ദേഹം അവരെ ആലിംഗനം ചെയ്യാൻ ശ്രമിച്ചതായി വീഡിയോയിൽ കാണുന്നു.
ബിന്ദു കൃഷ്ണ അതിന് എതിർപ്പ് പ്രകടിപ്പിച്ചിട്ടും വീണ്ടും ആലിംഗനം ചെയ്യാൻ ശ്രമിച്ചതായും, തുടർന്ന് അവർ കൈകൂപ്പി മുന്നോട്ട് നീങ്ങിയതായും ദൃശ്യങ്ങളിൽ കാണാം. സംഭവത്തിന്റെ വീഡിയോ വ്യാപകമായി പ്രചരിച്ചതോടെ ചെറിയാൻ ഫിലിപ്പിന്റെ നടപടി ശരിയല്ലെന്ന് ആരോപിച്ച് സോഷ്യൽ മീഡിയയിൽ വിമർശനം ഉയർന്നിട്ടുണ്ട്. പൊതുസ്ഥലത്ത് മാന്യമായ പെരുമാറ്റം പാലിക്കേണ്ടതുണ്ടെന്ന അഭിപ്രായവും പലരും പങ്കുവെക്കുന്നു.
