കൊച്ചി: നിയമസഭാ തെരഞ്ഞെടുപ്പില് യുഡിഎഫ് നൂറു സീറ്റിലധികം നേടുമെന്ന് ആവര്ത്തിച്ച് പ്രതിപക്ഷ നേതാവ് വി ഡി സതീശന്. അക്കാര്യത്തില് ഒരു സംശയവുമില്ലെന്നും തെരഞ്ഞെടുപ്പ് ഫലങ്ങളെ കുറിച്ച് പറഞ്ഞതൊന്നും തനിക്ക് മാറ്റിപ്പറയേണ്ടി വന്നിട്ടില്ലെന്നും സതീശന് പറഞ്ഞു.
ഒരു സ്ഥാനാര്ഥിയെയും നിസാരക്കാരനായി കാണുന്ന ആളല്ല താന്. യുഡിഎഫ് അധികാരത്തില് വന്നാല് ലീഗ് ഭരിക്കുമെന്ന് സിപിഎം പറയുന്നതാണ് വര്ഗീയത. ലീഗ് അഞ്ചും പത്തും സീറ്റ് കൂടുതല് ചോദിക്കുമെന്ന് പറഞ്ഞു, സീറ്റ് വിഭജനം കഴിഞ്ഞപ്പോള് ആര്ക്കാണ് കൂടുതല് സീറ്റ് കിട്ടിയതെന്ന് കേരളം കണ്ടതാണ്.
പയ്യന്നൂരിലും അഭിമന്യുവിന്റേതും വിഷ്ണുവിന്റേതും ഉള്പ്പടെ മൂന്ന് രക്തസാക്ഷികളുടെ ഫണ്ട് സിപിഎം അടിച്ചുമാറ്റി. ശവംതീനികളാണ്. അയ്യപ്പന്റെ സ്വര്ണവും അടിച്ചുമാറ്റി. ദ്വാരപാലക ശില്പം കൊണ്ടുപോയി കോടീശ്വരന് വിറ്റു.
എട്ട് ജില്ലകള് വടക്കു നിന്ന് എണ്ണിക്കഴിയുമ്പോള് യുഡിഎഫ് കേവല ഭൂരിപക്ഷം കടക്കുമെന്നും നൂറ് സീറ്റ് കടക്കുമെന്നും വി ഡി സതീശന് പറഞ്ഞു. മന്ത്രിസഭയില് ഒരു ഡസന് മന്ത്രിമാര് വീഴുമെന്നും വന്മരങ്ങള് കടപുഴകുമെന്നും സതീശന് പറഞ്ഞു.
