മാർച്ച് 4-നാണ് ഈ വർഷത്തെ ഹോളി. അതിന് മുൻപ്, ലക്ഷക്കണക്കിന് കേന്ദ്ര സർക്കാർ ജീവനക്കാരും പെൻഷൻകാരും ക്ഷാമബത്ത (ഡിഎ), ഡിയർനസ് റിലീഫ് (ഡിആർ) വർധനവിനായി ആകാംഷയോടെ കാത്തിരിക്കുകയാണ്.

സർക്കാർ ഇതുവരെ ഔദ്യോഗികമായി ഒന്നും പ്രഖ്യാപിച്ചിട്ടില്ല. ജീവനക്കാരുടെ സംഘടനകളുടെ കണക്കുകൂട്ടലുകളെ അടിസ്ഥാനമാക്കിയാണ് ഈ പ്രതീക്ഷ. എല്ലാവരും സർക്കാർ പ്രഖ്യാപനത്തിനായി കാത്തിരിക്കുകയാണ്.

ഹോളിക്ക് മുൻപ് തന്നെ പ്രഖ്യാപനം വരുമെന്നാണ് പൊതുവെയുള്ള വിലയിരുത്തൽ. ഓൾ ഇന്ത്യ എൻപിഎസ് എംപ്ലോയീസ് ഫെഡറേഷൻ ദേശീയ പ്രസിഡന്റ് മൻജിത് സിംഗ് പട്ടേലും ഇത്തവണ ഹോളിക്ക് മുൻപ് പ്രഖ്യാപനം പ്രതീക്ഷിക്കുന്നതായി പറഞ്ഞിരുന്നു.