ന്യൂഡല്ഹി: ഉഷ്ണതരംഗത്തില് വെന്തുരുകുന്ന രാജ്യത്ത് വൈദ്യുതി ഉപഭോഗം റെക്കോര്ഡിലേക്ക്. ഏറ്റവും ഉയര്ന്ന വൈദ്യുതി ആവശ്യകത 252 ജിഗാവാട്ടിലെത്തി. വെള്ളിയാഴ്ച്ചയാണ് വൈദ്യുതി ഉപഭോഗം 252 ജിഗാവാട്ടില് എത്തിയത്. 2024 മെയ് 30 ന് രേഖപ്പെടുത്തിയ 249.9 ജിഗാവാട്ടായിരുന്നു ഇതുവരെ രേഖപ്പെടുത്തിയ ഏറ്റവും ഉയര്ന്ന വൈദ്യുതി ഉപഭോഗം. ഇത് ഇനിയും കൂടുമെന്നാണ് കരുതുന്നത്.
വരും ദിവസങ്ങളില് ജമ്മു കശ്മീര്, ഹിമാചല് പ്രദേശ്, പഞ്ചാബ്, ഹരിയാന, ചണ്ഡീഗഡ്, ഡല്ഹി, ഉത്തര്പ്രദേശ്, രാജസ്ഥാന് എന്നീ സംസ്ഥാനങ്ങള്ക്കൊപ്പം മധ്യ ഇന്ത്യയില് മുഴുവനുമായും ഉഷ്ണതരംഗത്തിന് സാധ്യതയുണ്ടെന്നാണ് കേന്ദ്ര കാലാവസ്ഥാ നിരീക്ഷണ വകുപ്പ് അറിയിച്ചിരിക്കുന്നത്. ചൂട് വര്ധിച്ച സാഹചര്യത്തില് രാജ്യത്തുടനീളം വൈദ്യുതിയുടെ ആവശ്യം ഇനിയും ഉയരുകയും പുതിയ റെക്കോര്ഡുകള് സൃഷ്ടിക്കുകയും ചെയ്യുമെന്നുറപ്പ്.
